Giọgis 2:20 - Edo Bible (E Baibol Ẹdo) Version 1996

²⁰ Ohu Izrẹl keghi kakabọ mu e Nọyaẹnmwa, ọ na kha wẹẹ, “Avbe emwana rra uhi ne I rhie ne avbe erha iran odede ne iran ya gha ru emwi.

Giọgis 2:20 ပူးပေါင်းရင်းမြစ်များ

II Samuẹl 24:1

Vbe ẹghẹ ọkpa ohu Izrẹl kegha mu e Nọyaẹnmwa, ọ na sua e Devid ne ọ mu ọlọghọmwa gie iran. E Nọyaẹnmwa na tama rẹn wẹẹ, “Ya ka emwa Izrẹl kevbe Juda.”

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 78:10

Iran ma mu ile ne iran gu Osa ta sẹ, iran keghi he, ne iran ya uhi ẹre ru emwi.

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Ezikiẹl 20:37

“I gha ya obọ ne ọ tọn mu uwa, I ghi ru ẹe ne uwa gha ru vbene ile mwẹ khare.

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 2:19

Sokpan ọkaolotu ghẹ ghi wu nẹ, emwa nii ghi vbe werriegbe la odẹ nẹdẹ, iran ghi vbe ru emwi ne o khọrhiọn sẹ orre ne iran lele. Iran ghi lele avbe ẹbọ ọvbehe, iran ghi ga iran vbe ya uhunmwu rhanmwẹ otọ ne iran. Iran keghi ye izevbudu gha ru emwi dan iran khian.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.