Giọgis 2:19 - Edo Bible (E Baibol Ẹdo) Version 1996

¹⁹ Sokpan ọkaolotu ghẹ ghi wu nẹ, emwa nii ghi vbe werriegbe la odẹ nẹdẹ, iran ghi vbe ru emwi ne o khọrhiọn sẹ orre ne iran lele. Iran ghi lele avbe ẹbọ ọvbehe, iran ghi ga iran vbe ya uhunmwu rhanmwẹ otọ ne iran. Iran keghi ye izevbudu gha ru emwi dan iran khian.

Giọgis 2:19 ပူးပေါင်းရင်းမြစ်များ

Gẹnẹsis 6:11

Sokpan, emwa nekpa hia keghi gha re emwa dan vbe odaro Osanobua, ọkhọ ne iran ru keghi vẹ gba ehe hia.

Nehimaia 9:28

Ọfumwegbe ghi vbe se obọ nẹ, iran kevbe dọlegbe rukhọ ghe ruẹ wẹ kevbe gie eghian dọlegbe khọn iran, sokpan, iran ghi fiwerriẹ, iran na vbe rinmwian ne u miẹn iran fan, u keghi họn vbe ẹrinmwi, yan egbe yan egbe u keghi ya itohan fannọ iran vbe irri.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 3:17

Ọ gha sẹ ẹghẹ nii, a ghi do gha tie Jerusalẹm ‘Ẹkete Nọyaẹnmwa;’ uhunmwu ẹvbo hia gha vbe sikoko ye evba ne iran do ga mwẹ. Ẹ i re emwi ne ekhọe iran ne ọ wo nii kevbe ọghe dan nii tama iran ọ re iran ghẹ ghi gha ru.

Ezikiẹl 20:30

Banbanna nian, tama ivbi Izrẹl vbene I kha hẹ wẹẹ: Vbọzẹ ne uwa gha na gha ru avbe orukhọ ne avbe erha uwa ru yi, ra ne uwa vbe gha rhikhan lele avbe ẹbọ iran?

Matiu 23:32

Wa gie obọ gha kẹe, wa winna iwinna ne avbe erha uwa suẹnrẹn fo.

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Jọsua 24:31

Ivbi Izrẹl keghi wa gha ga e Nọyaẹnmwa vbe ukpo hia ne Jọsua yae vbe agbọn, kevbe iyeke ọ vbe wu nẹ vbe iran ne avbe ọkaolotu ni rẹn emwi hia ne e Nọyaẹnmwa ru ne Izrẹl he ye rrọọ.

Giọgis 10:13

Sevba, wa keghi fi iyeke gbe mwẹ, wa na ya gha ghoo avbe ẹbọ ọvbehe, rhunmwuda onii nian, mẹ i ghi dọlegbe miẹn uwa fan.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

Giọgis 2:20

Ohu Izrẹl keghi kakabọ mu e Nọyaẹnmwa, ọ na kha wẹẹ, “Avbe emwana rra uhi ne I rhie ne avbe erha iran odede ne iran ya gha ru emwi.

Giọgis 2:7

Ivbi Izrẹl kegha ga e Nọyaẹnmwa vbe ẹghẹ ne Jọsua ya vbe agbọn hia kevbe iyeke vbe ọ wu nẹ, iran keghi ye vbe gha ga e Nọyaẹnmwa vbe omwa ẹghẹ ne avbe ekaolotu ne aro ẹre sẹ emwi hia ne Nọyaẹnmwa ru ne Izrẹl he ye gha rrọọ.

Giọgis 4:1

Ehud ghi wu nẹ ivbi Izrẹl na vbe dọlegbe ru orukhọ ghe Nọyaẹnmwa.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”