Giọgis 2:17 - Edo Bible (E Baibol Ẹdo) Version 1996

¹⁷ Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.

Giọgis 2:17 ပူးပေါင်းရင်းမြစ်များ

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 106:43

Ẹghẹ nibun, ọ re e Nọyaẹnmwa ya rhan emwa irẹn ye otọ, sokpan, iran na wẹ te iran ra gha sọtẹ ghe ẹre, iran na dọlegbe gha ziẹn la uwu orukhọ.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Galatia 1:6

Ẹmwẹ uwa wa yan mwẹ unu uan! Vbe uwu ẹghẹ kherhe na, wa wa lẹ kua nẹ hin ehe ne ọmwa ne ọ ya ẹsọhẹ Kristi tie uwa, wa keghi vbe lẹ bu iyẹn ne ọ maa ọvbehe gha khian.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:18

I ghi vbe he ne I yi iran obọ, rhunmwuda, iran ru emwi dan, iran na ya gha ga ẹbọ ọvbehe.

Diuteronomi 9:12

“Ẹre Nọyaẹnmwa na tama mwẹ wẹẹ, ‘Tuorre vbe uhunmwu oke ẹgiẹgiẹ rhunmwuda emwa ruẹn ne u viọ ke Igipt gha dee rhia egbe ua, iran vbe ru emwi dan. Iran zẹgiẹgiẹ fi iyeke gbe emwi ne I we ne iran ru, iran keghi vbe ya ma amazẹ ne egbe iran.’

Diuteronomi 9:16

I keghi miẹn we wa wa zẹgiẹgiẹ mu uhi ne I rhie ne uwa fua, kevbe wẹ, wa vbe rukhọ ghe ẹre vbene uwa na ma amazẹ ẹrọnmwọ ne ọ yevbe ẹkhuia ẹmila ne egbe uwa.

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”

Jọsua 24:31

Ivbi Izrẹl keghi wa gha ga e Nọyaẹnmwa vbe ukpo hia ne Jọsua yae vbe agbọn, kevbe iyeke ọ vbe wu nẹ vbe iran ne avbe ọkaolotu ni rẹn emwi hia ne e Nọyaẹnmwa ru ne Izrẹl he ye rrọọ.

Giọgis 2:7

Ivbi Izrẹl kegha ga e Nọyaẹnmwa vbe ẹghẹ ne Jọsua ya vbe agbọn hia kevbe iyeke vbe ọ wu nẹ, iran keghi ye vbe gha ga e Nọyaẹnmwa vbe omwa ẹghẹ ne avbe ekaolotu ne aro ẹre sẹ emwi hia ne Nọyaẹnmwa ru ne Izrẹl he ye gha rrọọ.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,

I Samuẹl 12:17

Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”