Giọgis 2:16 - Edo Bible (E Baibol Ẹdo) Version 1996

¹⁶ Ẹghẹ nii ẹre e Nọyaẹnmwa na viọ avbe ọkaolotu ni wegbe ne Izrẹl, iran ni do miẹn iran fan vbe obọ avbe ikpata.

Giọgis 2:16 ပူးပေါင်းရင်းမြစ်များ

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Iwinna 13:20

Ọ kegha yerriọ vbe omwa ukpo ekigbesiyeha yan uri eva (450). “Vbe iyeke ọnii, ọ keghi viọ ni bu ohiẹn ne iran ọ te do sẹ ẹghẹ Samuẹl ne akhasẹ.

Giọgis 10:1

Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.

Giọgis 11:32

Ẹre Jẹfta na fian ẹzẹ rra ne ọ ya gu emwa Amọn gbinna. E Nọyaẹnmwa keghi rhie akhọnmiotọ nẹ ẹn.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

Giọgis 3:31

Ọkaolotu ne ọ ghi lele kegha re Siamga ne ovbi Anat. Ọ keghi ya uwẹnrhiẹn ne a ya khu ẹsin gbele arriaeha (600) vbe emwa Filistia. Rẹn vbe miẹn Izrẹl fan.

Giọgis 4:5

Udin ọkpa rre ẹkpo e Rama kevbe Bẹtẹl vbe ẹvbo oke Ifreim. Evba ọ re ọ gha tota yi, ivbi Izrẹl ghi vbe gha bu ẹre rrie evba ne iran do gha họn vbene ọ kha hẹ.

Giọgis 6:14

E Nọyaẹnmwa keghi tama rẹn wẹẹ, “Ye ẹtin ne u mwẹ hia gha khian ne u ya wọlọ ivbi Izrẹl hin obọ ivbi Midian rre. Mẹ tobọ mwẹ ọ re ọ gie ọ.”

Ebe Rut 1:1

Vbe ẹghẹ ne ọ kpẹe fua, ẹkpo ne Izrẹl i na he mwẹ ọba, ukhunmwu keghi do fi vbe ẹvbo nii. Ẹre okpia ọkpa ne a tie ẹre Ẹlimẹlẹk ne ọ re ovbi ẹwae Ifrat, ne ọ gha rre Bẹtlẹhẹm vbe Juda na rhie amwẹ ọnrẹn ighẹ Naomi kevbe ivbi iran ne ikpia eva e Malọn kevbe Kiliọn iran na ya gha rre Moab.

I Samuẹl 12:11

E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.

I Samuẹl 14:48

Ọ gbinna igbinna ọmẹguae, obọ ẹre keghi ke ukhunmwu ne ọghe avbe ivbi Amẹlẹk. Ọ keghi degue Izrẹl hin obọ a dekun ọmwa rre.