Giọgis 2:14 - Edo Bible (E Baibol Ẹdo) Version 1996

¹⁴ Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 2:14 ပူးပေါင်းရင်းမြစ်များ

II Samuẹl 24:1

Vbe ẹghẹ ọkpa ohu Izrẹl kegha mu e Nọyaẹnmwa, ọ na sua e Devid ne ọ mu ọlọghọmwa gie iran. E Nọyaẹnmwa na tama rẹn wẹẹ, “Ya ka emwa Izrẹl kevbe Juda.”

II Ọba 13:3

Ẹre ohu Izrẹl na mu e Nọyaẹnmwa, ọ na gie Hazaẹl ne ọba e Siria kevbe Benhadad ne ovbi ẹre gha khọn miẹn Izrẹl otọ yan egbe.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

II Krọnikol 15:5

Vbe ẹghẹ nii, ọmwa ne ọ sẹtin rre ne ọ vbe gha rrie vbe egbe hẹnnẹdẹn i rrọọ rhunmwuda, ọlọghọmwa kevbe otighi kegha rre otọe hia.

II Krọnikol 28:5

Rhunmwuda ne Ehaz ne ọba na ru orukhọ, e Nọyaẹnmwa keghi gie obọ e Siria ke ukhunmwu ne ẹẹn vbe okuọ, ọ keghi vbe viọ ni bun vbe ivbi e Juda oghunmwu gha rrie Damaskọs. E Nọyaẹnmwa keghi vbe gie Pẹka ne ovbi e Remalaia ne ọba Izrẹl khọn miẹn Ehaz otọ ọ na gbele arriaisẹn iyehan (120,000) vbe uwu ivbiyokuo e Juda ni din sẹ vbe ẹdẹ ọkpa kẹkan. E Nọyaẹnmwa ne Osanobua avbe erha iran odede kue yọ ne emwi na sunu rhunmwuda ighẹ ivbi e Juda fi iyeke gbe irẹn.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Psalm 44:11

U gie iran lọkọ ima an zẹvbe ohuan u zagha ima kua lele ẹvbo ẹrrẹe.

Psalm 44:12

U khiẹnnẹ emwa ruẹn ọpuẹkẹ kua vbene a miẹn wẹ ive tunnẹ ọre u tie ye iran uhunmwu.

Aizaia 42:24

Gha ọ zẹẹ Izrẹl obọ ne iran ni fu emwi yi? E Nọyaẹnmwa tobọ ẹre nọ, ọmwa ne ima ru orukhọ ghe! Ma ma yin vbene ọ gie mwa, ra ne a gha ru vbene ọ ma ima ẹre.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Jerimaia 37:10

Gia kha i ghẹ te uwa gele sẹtin khọn ne obọ uwa ke ukhunmwu ne ivbiyokuo e Babilọn sẹrriọ wẹ iran ne a kuanrẹn okpa ọ re ọ ghi kẹe ye uwu owa ukpọn iran ne iran lovbiẹ yi, te iran na ye kpaegbe, iran ghi giẹn ẹvbo na muotọ.”

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Levitikọs 26:37

Wa ghi gha dele yan egbe vbene ọmwarhọkpa ma na khu uwa, wa i ra vbe sẹtin gu eghian rhọkpa gbinna.

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Diuteronomi 28:20

“Wa gha ru emwi dan, wa na he e Nọyaẹnmwa ye otọ, rẹn gha gie ọkhọ rruan uwa kevbe otighi kevbe orueghe vbe emwi ne uwa ru hia, a te do miẹn wẹ te a ghi fuẹn uwa a fo fẹẹrẹ ẹgiẹgiẹ.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.

Diuteronomi 32:30

Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Giọgis 1:34

Ivbi Amọri keghi khuakhua ẹwae Dan la uhunmwu oke, iran ma gie iran tuorre la otọe ne ọ rriẹe.

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 2:20

Ohu Izrẹl keghi kakabọ mu e Nọyaẹnmwa, ọ na kha wẹẹ, “Avbe emwana rra uhi ne I rhie ne avbe erha iran odede ne iran ya gha ru emwi.

Giọgis 3:12

Ivbi Izrẹl keghi vbe dọlegbe rukhọ ghe e Nọyaẹnmwa. Rhunmwuda ọna, e Nọyaẹnmwa keghi gie Ẹgiọn ne ọba ọghe Moab wegbe sẹẹ Izrẹl.

Giọgis 4:2

Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.