Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Giọgis 2:13 - Edo Bible (E Baibol Ẹdo) Version 1996

13 Iran fi iyeke gbe ugamwẹ e Nọyaẹnmwa, iran na ya gha gho avbe Bal kevbe Astat.

အခန်းကိုကြည့်ပါ။ ကော်ပီ




Giọgis 2:13
19 ပူးပေါင်းရင်းမြစ်များ  

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.


Ọ kegha gho Astat ne ẹbọ ne okhuo ọghe Saidọn kevbe Milkọm ne ẹbọ emwiekhue ọghe Amọn.


E Josaia kevbe rhia rua ighẹ avbe Ogiukpo ne Solomọn mannọẹn ye odẹ ahọ e Jerusalẹm, vbe odẹ ekẹn oke oliv, evba iran na te gho avbe ẹbọ ni zughu ọmwa ẹko nii hia, avbe Astat ne ẹbọ ne okhuo e Saidọn, e Kemọs ne ẹbọ e Moab deba Milkọm ẹbọ Amọn.


Ọ ghi rre ukpo ne ogisẹn ne Rehoboam rriọba, a keghi rri iran oya ye ẹmwẹ ne iran ma na ghi rhie egbe mu e Nọyaẹnmwa. E Sisiak ne ọba Igipt na mu okuọ gha die Jerusalẹm.


ọ kegha giẹn eturari vbe Iya Hinọm, uhin ighẹ te ọ ya ovbi ẹre ne okpia zọ ese ghe amazẹ, ọ kegha ya egbe ta uyinmwẹ ẹwia ọghe emwa ne Nọyaẹnmwa khulo kua vbe otọe nii vbe ivbi Izrẹl dee.


Ọ keghi dọlegbe bọlọ avbe aro ẹbọ hia ne Hẹzekaia ne erha ẹe guọghuọ ua. Ọ keghi so avbe Ogiukpo ne a na gho e Baal, ọ na mannọ amazẹ ọghe Asiẹrra ne ọba ne okhuo, ọ na vbe gha gho avbe orhọnmwẹ.


Emwa ghi wanniẹn wẹẹ, ‘Rhunmwuda ighẹ iran fi iyeke gbe Nọyaẹnmwa ne Osanobua iran, ne ọ viọ avbe erha iran odede ke Igipt ladian gha dee, iran keghi kpe iku gie ẹbọ ọvbehe, iran na gha ga iran. Ọnii ọ sii ẹe ne Nọyaẹnmwa na gie emwi dan na rruan iran.’ ”


Emwa Osanobua kegha gho amazẹ ọ na ọre ọ si ọfuan ye iran egbe.


Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.


E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.


ighẹ Bal ọghe Peọ. Ohu iran keghi mu e Nọyaẹnmwa.


Gie a kha wẹ avbe ẹbọ ne emwa gho gele rrọọ, vbe agbọn na nọ kevbe ẹrinmwi, deba avbe “ni yaẹnmwa.”


Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.


Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.


Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.


Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’


Iran keghi viọ emwi igbinna ye aro Astat ne ẹbọ ne okhuo, iran na sẹ ikun ẹnrẹn ginna ekẹn ẹvbo Bẹt-Sian.


E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ