Giọgis 2:11 - Edo Bible (E Baibol Ẹdo) Version 1996

¹¹ Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.

Giọgis 2:11 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 38:7

Emwi dan ne Eri ru keghi sọnnọ Nọyaẹnmwa, ọre Nọyaẹnmwa na gbe ẹe rua.

I Ọba 11:5

Ọ kegha gho Astat ne ẹbọ ne okhuo ọghe Saidọn kevbe Milkọm ne ẹbọ emwiekhue ọghe Amọn.

I Ọba 18:18

Elaija wanniẹn wẹẹ, “Ẹ i re imẹ ọre ọgbẹti, wẹ nọ, wẹ kevbe erha a. Wa i họn ẹmwẹ ne Nọyaẹnmwa ta, wa keghi vbe gha gho e Bal ne ẹbọ.

I Ọba 22:53

Ọ kegha gho, ọ na vbe gha ga e Bal, ọ keghi ya ohu mu e Nọyaẹnmwa ne Osanobua Izrẹl, zẹ vbene erha ẹe vbe ru.

II Krọnikol 28:2

Ọ keghi lele igiemwi avbe ọba Izrẹl, ọ na wẹ ne iran ma amazẹ ematọn ọghe Baal,

II Krọnikol 28:3

ọ kegha giẹn eturari vbe Iya Hinọm, uhin ighẹ te ọ ya ovbi ẹre ne okpia zọ ese ghe amazẹ, ọ kegha ya egbe ta uyinmwẹ ẹwia ọghe emwa ne Nọyaẹnmwa khulo kua vbe otọe nii vbe ivbi Izrẹl dee.

II Krọnikol 33:6

Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 9:14

Sokpan iran keghi zevbudu, iran ke ya gha gho e Baal ne ẹbọ, zẹ vbene avbe erha iran ma iran re ne iran gha ru.

Nọmbas 25:3

ighẹ Bal ọghe Peọ. Ohu iran keghi mu e Nọyaẹnmwa.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 4:25

“A gha miẹn ighẹ ọ kpẹre ne uwa ghi sẹ otọ nii, ighẹ wa ghi na biẹlẹ emọ iwu ke eyẹ, wa ghẹ ya ma amazẹ emwikemwi hiehiere ne uwa ghẹ ya rukhọ. Emwi dan ọna khin vbe aro e Nọyaẹnmwa, ọ gha ya ẹe mu ohu.

Giọgis 10:10

Ọre ivbi Izrẹl ghi na tu ladian ma e Nọyaẹnmwa, iran wẹẹ, “Ma rukhọ ghe ruẹ nẹ, rhunmwuda, ma fi iyeke gbe uwẹ ne Osanobua mwa, ma na ya gha gho e Bal.”

Giọgis 10:6

Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.

Giọgis 13:1

Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.

Giọgis 3:12

Ivbi Izrẹl keghi vbe dọlegbe rukhọ ghe e Nọyaẹnmwa. Rhunmwuda ọna, e Nọyaẹnmwa keghi gie Ẹgiọn ne ọba ọghe Moab wegbe sẹẹ Izrẹl.

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.

Giọgis 4:1

Ehud ghi wu nẹ ivbi Izrẹl na vbe dọlegbe ru orukhọ ghe Nọyaẹnmwa.

Giọgis 6:1

Ivbi Izrẹl keghi ru orukhọ ghe e Nọyaẹnmwa, rhunmwuda ọnii, rẹn keghi gie emwa Midian gha khaemwisẹ yan iran la ukpo ihinrọn.

Giọgis 6:25

E Nọyaẹnmwa keghi tama e Gidiọn vbe asọn ni wẹẹ, “Mu ẹkhuia ẹmila erha a kevbe ẹkhuia ọvbehe ne ọ he rre ukpo ihinrọn, guọghọ aka ne erha a gbe ne Bal sotọ ne u vbe giagia ọkpọ Asiẹrra ne ẹbọ nokhuo nii diake ẹe kua.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

I Samuẹl 12:10

Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”

I Samuẹl 7:4

Rhunmwuda ọnii, ivbi Izrẹl keghi viọ avbe amazẹ e Baal ni gue iran kua deba ọghe Astat, iran na gha ga e Nọyaẹnmwa ọkpa kẹkan.