Giọgis 2:1 - Edo Bible (E Baibol Ẹdo) Version 1996

¹ Odibo e Nọyaẹnmwa keghi ke Gilgal kpao gha rrie Bokim, ọ Keghi tama ivbi Izrẹl wẹẹ “I viọ uwa ke Igipt ladian, I keghi viọ uwa gha die otọ ne I ve avbe erha uwa odede re. I keghi kha wẹẹ, ‘Mẹ I ra rra ile ne I gu uwa ta.

Giọgis 2:1 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 16:13

E Hega keghi nọ egbe ẹre ọta wẹẹ, “Te imẹ gele bẹghe Nọyaẹnmwa I na ye gha rre agbọn ne I ya na iyẹn ra?” Ẹre ọ na ghi tie eni Nọyaẹnmwa ne ọ gu ẹe guan vbenian, “Osanobua ne ọ bẹghe.”

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Psalm 89:34

Mẹ i ra so ile ne I guẹe ta gọ, ra ne I kie werriegbe vbe emwi ne I ve ẹre re.

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 33:14

E Nọyaẹnmwa keghi kha wẹẹ, “I gha lele uẹ gha khian, I gha vbe rhie akhọnmiotọ nuẹn.”

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 14:21

Ye eyan ruẹn rre, ne u ghẹ zan mwa, ghẹ gie efa rruan e Jerusalẹm, ehe ne ẹkete ruẹ ne ọ mwẹ uyi ye. Ghẹ mu ile ne u gu ima ta fua.

Levitikọs 26:42

I ghi ye ile mwẹ ne I gu Jekọb, Aizik kevbe Ebraham ta rre, I ghi dọlegbe su eyan nii igie wẹ I gha mu otọe nii ne emwa mwẹ.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Zẹkaraia 11:10

Ẹre I na rhie ọkpọ ne I tie ẹre “Aro ne ọ maa” vbọ, I na bun ẹnrẹn uan, ne I ya ne I ya so ẹe gọ ighẹ ile ne Nọyaẹnmwa gu avbe uhunmwu ẹvbo taa.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 14:34

Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.

Giọgis 13:2

Okpia ọkpa kegha rrọọ ẹghẹ nii ne a tie ẹre Manoa ovbi ẹvbo ne a tie ẹre Zora gha a nọ, ọ keghi vbe gha re ovbi ẹwae e Dan. Amwẹ ọnrẹn ma biẹ.

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

Giọgis 2:5

(ọnii ọ si ẹe ne a na tie evba Bokim.) Iran keghi zọ ese ghe Nọyaẹnmwa vbe evba.

Giọgis 6:8

e Nọyaẹnmwa keghi gie akhasẹ ọkpa gie iran, ne ọ do ta uhunmwu ne Nọyaẹnmwa ne Osanobua Izrẹl gie wẹẹ: “I viọ uwa ke uwu ọviẹn ladian vbe Igipt.