Giọgis 19:6 - Edo Bible (E Baibol Ẹdo) Version 1996

⁶ Erriọ ọ re ikpia eveva na keghi gba gha re, iran na gba gha da. Ẹre erha ọvbokhan okhuo na na tama rẹn wẹẹ, “Lahọ ye gbe asọn na vbe emwa, ne u gie ẹko gha rhẹnrhiọn.”

Giọgis 19:6 ပူးပေါင်းရင်းမြစ်များ

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

I Ọba 21:7

E Jezibẹl keghi kha wẹẹ, “Tama mwẹ, wẹ ọrọre ọba ra ẹ i re uwẹ? Kpaegbe vbe ukpo, dọlọ aro yi ne u rri evbare, I gha mu ugbo emwiokọ e Nabot nuẹn!”

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Giọgis 19:7

E Livai nii keghi suẹn okhian ne ọ kpao, sokpan erha ẹe keghi rherhe ọe ne ọ tota, ẹre ọ na ye gbe asọn nii vbe evba.

Giọgis 19:9

Ugbẹn vbe okpia na kevbe egbakhian rẹn kevbe ọguọmwadia ẹre ghi suẹn okhian, erha ẹe keghi kha wẹẹ, “U ma miẹn nian ighẹ ota khuẹrhẹ ghi nọ, u ghi wa mudia nẹ vbe asọn na. Ebi ghi ra ro na, tota ne ugha zẹ owẹ vbene ọ khọn ruẹn. U sẹtin kpaegbe vbe owiẹ vbirrivbirri akhuẹ ne u deyan okhian gha rrie owa.”

Giọgis 9:27

Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.

Ebe Rut 3:7

E Boaz ghi rri evbare nẹ, ọ na vbe da, egbe kegha mu ẹẹn. Ọ kegha rrie ọkpẹn ehe ne a si ọka gboo yi, ọ na ya lovbiẹ. E Rut keghi rẹnrẹn la evba. Ọ na wee ukpọn hin ẹre owẹ rre, ọ na lovbiẹ.

I Samuẹl 25:36

Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.