Giọgis 19:2 - Edo Bible (E Baibol Ẹdo) Version 1996

² Sokpan ohu ẹre keghi mu okhuo nii, ọ re ọ na werriegbe gha rrie owa erha ẹe vbe e Bẹtlẹhẹm. Ọ keghi gbe uki enẹ vbe odọ.

Giọgis 19:2 ပူးပေါင်းရင်းမြစ်များ

Ezikiẹl 16:28

Rhunmwuda ighe ẹko iran nekpa ma vuọn ọn, u keghi vbe kpe lele ivbi Asiria. U ke gha re igberagia iran sokpan, iran ma sẹtin sẹ uẹ ọkẹn.

Levitikọs 21:9

Ovbi ohẹn gha khian ebabotu, te ọ fa erha ẹe rua, a ghi ya erhẹn giẹn ọnrẹn uan ne ọ wu.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Giọgis 17:7

Igbama ọkpa kegha rre Bẹtlẹhẹm vbe Juda, e Livai ne ọ ke Juda rre nọ.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

Giọgis 19:3

Ẹre okpia nii na wẹ rẹn gha ya gualọ ẹe ne irẹn rherhe ọe ne ọ gha die owa. Ọ keghi rhie ọguọmwadia ẹre kevbe ekẹtẹkẹtẹ eva ba egbe. Okhuo nii keghi miẹn rẹn yi vbe owa erha ẹe. Ugbẹn vbe erha okhuo nii ghi miẹn ọẹn, ọ keghi ya oghọghọ gbe ọbokhian ne ẹẹn.