Giọgis 19:12 - Edo Bible (E Baibol Ẹdo) Version 1996

^12-13 Sokpan, arowa ẹre keghi kha wẹẹ, “Ẹvbo ne ẹ i re ọghe ivbi Izrẹl ọ re ima gha na yakọ ra? Ma gha gberra sikẹ odaro ne a ya gbe asọn na vbe Gibea ra Rama.”

Giọgis 19:12 ပူးပေါင်းရင်းမြစ်များ

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Jọsua 18:25

Ena ke ye vbe rrọọ, Gibiọn, Rama, Biẹrot,

Jọsua 18:28

Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.

I Samuẹl 10:26

E Sọl keghi vbe gha rrie owa ẹre vbe Gibea. Emwa ni mwẹ ẹtin eso ne Osanobua rhie ye ẹre ekhọe keghi lele ẹe.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.