Giọgis 19:10 - Edo Bible (E Baibol Ẹdo) Version 1996

^10-11 Sokpan, okpia na ma ghi ho ne Ọ ye gbe asọn ọvbehe vbe evba, ọ re irẹn vbe egbakhian na la odẹ. Iran mwẹ ekẹtẹkẹtẹ eva ne a gbalọ emwi ne a ya tota ye ore iyeke. Te ẹdẹ ghi ra mu vbe iran sẹ Jebus (ọnii nọ wẹ Jerusalẹm), ẹre ọguọmwadia nii na tama arowa ẹre wẹẹ, “Gia mudia ne a gbe asọn na vbe Jebus na?”

Giọgis 19:10 ပူးပေါင်းရင်းမြစ်များ

II Samuẹl 5:6

E Devid ne Ọba ke ẹe kevbe emwa rẹn keghi mu okuo gha rrie Jerusalẹm. Emwa ne a tie ẹre ivbi e Jebus ni yin ẹvbo na, keghi te gha ro ighẹ e Devid i ra sẹtin khọn ẹvbo nii, iran keghi rhunmwuda ọnii tama rẹn wẹẹ, “U i sẹtin sẹ emwa na ẹdẹ, avbe arhuaro kevbe avbe uke gha sẹtin khu uẹ ladian degbe ruẹ odẹ.”

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Jọsua 15:8

Ọ kevbe laghe odukhunmwu gha rrie iya ivbi e Hinọn ne ọ rre odẹ ekẹn ọghe ọgbagba oke ọghe Jebus ehe ne Jerusalẹm ye. Uwu ẹre keghi gha khian ya sẹ uhunmwu oke ne ọ mu aro da Iya Hinọn vbe odẹ orrie vbe odẹ okuọ ọghe ehe ne Iya Refeim na fo.

Jọsua 18:28

Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.

Giọgis 1:8

Ivbi e Juda keghi mu okuo la e Jerusalẹm, iran na khọn rẹn. Iran gbele emwa ni rrọọ, iran mu erhẹn ye ẹvbo nii.

Giọgis 19:9

Ugbẹn vbe okpia na kevbe egbakhian rẹn kevbe ọguọmwadia ẹre ghi suẹn okhian, erha ẹe keghi kha wẹẹ, “U ma miẹn nian ighẹ ota khuẹrhẹ ghi nọ, u ghi wa mudia nẹ vbe asọn na. Ebi ghi ra ro na, tota ne ugha zẹ owẹ vbene ọ khọn ruẹn. U sẹtin kpaegbe vbe owiẹ vbirrivbirri akhuẹ ne u deyan okhian gha rrie owa.”