Giọgis 18:7 - Edo Bible (E Baibol Ẹdo) Version 1996

⁷ Ẹre ikpia ihinrọn ni ghi na kpao, iran na gha rrie Lais. Iran keghi miẹn vbene ẹkun wa sẹ emwa ni rre ẹvbo nii otọ hẹ zẹ vbe emwa Saidọn, ọmẹhẹ ọ re iran wa khin, iran i gu emwa rhọkpa muan ẹmwẹ. Iran mwẹ emwi ne iran ho hia. Iran wa khian rrei ne ivbi e Saidọn. Iran i vbe mwẹ emwa ne iran gba ru hiehie.

Giọgis 18:7 ပူးပေါင်းရင်းမြစ်များ

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

I Krọnikol 4:40

Iran keghi wa otọ ne ọvbẹ aro ne o vbe ma emwiokọ ẹsẹse, ne ọ ivbiẹ kevbe ne ukpokpo i ye. Emwa ni te ka yin evba yi kegha re ivbi e Hamit.

Jerimaia 49:31

‘Wa larre! Wa gie ima ya hẹrhu iran ni ro ighẹ iran i ghi rre uwu ẹbe, ẹkun sẹ iran otọ nẹ. Ẹvbo iran i mwẹ ẹkhu ne a yi yọ, ra emwi ne a ya khui ẹre, ẹi vbe mwẹ emwi ne a ya degue ọ re hiehiere.’

Ebe ne Pọl gbẹẹn gie emwa Rom 13:3

Rhunmwuda iran ni rre asẹ i re ne afianma rẹn fian ọmwa ne ọ ru emwi ẹse, sokpan iran ni ru emwi dan, deghẹ wẹ i ho ne afianma iran ni rre asẹ gha fian an, gha ru emwi esi, ọ gha tian ruẹn.

Jọsua 19:47

Ugbẹn vbe otọ emwa Dan ghi fe iran, iran keghi mu igbinna gie Lais, iran keghi khọn rẹn mu otọ iran, iran na gbele emwa ni rrọọ hia a. Iran keghi ya ẹe khiẹn ọghe iran, iran na yin ẹnrẹn, iran na fi eni ẹvbo nii hin Lais rre gha tie ẹre Dan, iran na he ẹre eni ni gie Dan ne erha iran odede.

I Pita 2:14

Kevbe avbe ọkao arriọba ne irẹn gie, ne ọ ya rria iran ni ru emwi dan oya, kevbe ne ọ gha tian iran ni ru ẹse.

Arhie Maan 18:7

Wa rhie oya kevbe irhia ẹko nẹẹn zẹ vbe uyi kevbe uyinmwẹ ọmọ ne ọ fuẹn ukhu, ne ọ rhie ne egbe ẹre, rhunmwuda, te irẹn wa gha tama egbe ẹre wẹẹ, ‘I tota vbe emwa, vbe ọba ne okhuo I i re okhuo ne ẹ i mwẹ ọdọ I i ra rẹn irhia ẹko ẹdẹ.’

Giọgis 18:29

Iran keghi fi eni ẹvbo nii werriẹ hin Lais rre gha tie ẹre Dan zẹ vbene a tie erha iran odede ighẹ Dan ne ovbi e Jekọb.

Giọgis 18:6

Ohẹn keghi wanniẹn, “Wa ghẹ zẹdẹ mu udu kei ye emwi rhọkpa, e Nọyaẹnmwa wa su uwa khian vbe okhian na.”

Giọgis 18:8

Ikpia isẹn na ghi werriegbe gha rrie Zora kevbe Estao nẹ, emwa ẹvbo iran keghi nọ iran emwi ne iran ghi miẹn.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.