Giọgis 18:6 - Edo Bible (E Baibol Ẹdo) Version 1996

⁶ Ohẹn keghi wanniẹn, “Wa ghẹ zẹdẹ mu udu kei ye emwi rhọkpa, e Nọyaẹnmwa wa su uwa khian vbe okhian na.”

Giọgis 18:6 ပူးပေါင်းရင်းမြစ်များ

I Ọba 22:12

Ẹmwẹ ọkpa nii ọ re avbe akhasẹ nekpa hia vbe ta. Iran wẹẹ, “Gha khian ya khọn e Ramọt ighẹ obọ ruẹ gha ke ukhunmwu, e Nọyaẹnmwa gha rhie akhọnmiotọ nuẹn.”

I Ọba 22:15

Ọ ghi mudia ye odaro ọba, ọba keghi nọ rẹn wẹẹ, “Makaia, ne I mẹ vbe Jehosiafat ya khọn Ramọt ra ne I ma ghẹ yo?” E Makaia keghi kha wẹẹ, “Gha khian ighẹ u gha khọnmiotọ. E Nọyaẹnmwa gha rhie akhọnmiotọ nuẹn.”

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Ẹksọdọs 4:18

E Mosis keghi dọlegbe bu Jẹtro ne orruan rẹn gha khian, ọ keghi tama rẹn wẹẹ, “Lahọ, gunmwe kpao, I ra bu etẹn mwẹ ni rre Igipt ne I ya ghe a deghẹ iran ye rre agbọn.” E Jẹtro keghi gbe ọ khian ẹdẹ hia nẹẹn.

Jerimaia 23:32

Danmwehọ ẹmwẹ ne imẹ ne Nọyaẹnmwa tae! Ohu avbe akhasẹ ni ta imina iran ne ọ vuọn ne ohoghe mu mwẹ. Iran ghi gha ta avbe imina na, iran ghi gha bibi emwa mwẹ odẹ vbekpa ohoghe kevbe orhuọ ọghe iran. I ma gie iran, I ma wẹ ne iran gha khian, iran i zẹdẹ mwẹ asa ne iran ye ne emwa nii hiehiere. Mẹ ne Nọyaẹnmwa ọ re ọ tae.”

Diuteronomi 11:12

E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.

I Tẹsalonaika 3:11

Te Osanobua ne Erha mwa tobọ ẹre kevbe Nọyaẹnmwa Jesu Kristi gha kie odẹ ye otọ ne ima la bu uwa gha dee.

Giọgis 18:5

Iran keghi tama rẹn wẹẹ, “Lahọ, nọ Osanobua a deghẹ okhian ne ima rrie na gha de ẹse.”

Giọgis 18:7

Ẹre ikpia ihinrọn ni ghi na kpao, iran na gha rrie Lais. Iran keghi miẹn vbene ẹkun wa sẹ emwa ni rre ẹvbo nii otọ hẹ zẹ vbe emwa Saidọn, ọmẹhẹ ọ re iran wa khin, iran i gu emwa rhọkpa muan ẹmwẹ. Iran mwẹ emwi ne iran ho hia. Iran wa khian rrei ne ivbi e Saidọn. Iran i vbe mwẹ emwa ne iran gba ru hiehie.

I Samuẹl 1:17

Elai keghi tama rẹn wẹẹ, “Gha khian vbe ọfumwegbe, te Osanobua Izrẹl gha rhie emwi ne u nọ ẹre re nuẹn.”