Giọgis 18:31 - Edo Bible (E Baibol Ẹdo) Version 1996

³¹ Amazẹ ọghe Maika kegha rre evba vbe ẹghẹ hia ne Owa Ukpọn ọghe Osanobua vbe ya gha rre e Silo.

Giọgis 18:31 ပူးပေါင်းရင်းမြစ်များ

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Giọgis 19:18

E Livai ni keghi wanniẹn wẹẹ, “E Bẹtlẹhẹm ne Juda ọ re ima ke dee. Uwu ẹvbo oke Ifreim gban an, ne imẹ ye ọ re ima rrie. I ma he miẹn ọmwa ne ọ rhie mwẹ la owa.

Giọgis 21:19

Ẹre iran ghi na kha wẹẹ, “Emwiukpo e Nọyaẹnmwa ne a ru vbe Siailo ukpukpo sikẹ otọ nẹ.” (Siailo odẹ okuọ Bẹtẹl ọ re ọ ye vbe odẹ Lebanọn kevbe odẹ ahọ ọghe odẹ ne ọ rre ẹkpo Bẹtẹl kevbe Siẹkẹm.)

Giọgis 21:21

Ibiẹka ikhuo ni rre Siailo gha ghi ladian do ku vbe ẹghẹ emwiukpo nii, wa ghi ke uwu ogba azara ladian. Dọmwadẹ ọghọe vbe uwu uwa ghi ye ẹtin rhie okhuo vbe uwu avbe ibiẹka ikhuo nii, ne uwa viọ iran gha rrie otọe e Bẹnjamin.

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.