Giọgis 18:30 - Edo Bible (E Baibol Ẹdo) Version 1996

³⁰ Ivbi e Dan na do mu amazẹ nii ye otọ ne iran gha gho ẹre. E Jonatan ne ovbi Gẹsiọn ne ovbi e Mosis keghi gha ru ohẹn ne emwa e Dan na, uniẹn ọnrẹn ọ re ọ gha ru ohẹn a te do miẹn wẹ a hẹ iran gha rrie iwe.

Giọgis 18:30 ပူးပေါင်းရင်းမြစ်များ

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 17:18

Ohu ivbi Izrẹl keghi mu e Nọyaẹnmwa, ọre ọ na khulo iran hin odaro irẹn rre, ọ na sẹ arriọba e Juda ọkpa rae.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

II Ọba 17:22

Iran keghi lele Jeroboam, iran na vbe gha ru avbe orukhọ ne irẹn ru hia.

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

Ẹksọdọs 18:3

E Jẹtro kevbe viọ Gẹsiọm kevbe Eliezẹ ne ivbi e Mosis nikpia e eva gha dee. (E Mosis khare wẹẹ, “Orhunmwuyẹn ọre i khin vbe otọe ọrriọvbe”; ọre ọna he ovbi ẹre ne okpia ọkpa Gẹsiọm.

Ẹksọdọs 2:22

Okhuo nii keghi biẹ ọmọ okpia ọkpa. E Mosis ke kha wẹẹ, “Ọrriọvbe ẹre I khin vbe ẹvbo ẹrrẹe, ọre I na he ere Gẹsiọm.”

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Levitikọs 26:1

E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Giọgis 13:1

Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.

Giọgis 17:3

Ọ keghi viọ igho esiliva iyisẹn yan arriaisẹn nii gie iye ẹe. Iye ẹe keghi kha wẹẹ, “Ovbi mwẹ, ne ihẹn ni ghẹ miẹn ehe na sẹ uẹ egbe, mẹ ra tobọ mwẹ ya ọghọ vbute ya ẹe fi ohan ne Nọyaẹnmwa. A gha ya ka amazẹ erhan, a ghi ya esiliva rhu ẹe. Rhunmwuda ọnii nian, I gha dọlegbe viọ ẹre nuẹn.”

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.