Giọgis 18:3 - Edo Bible (E Baibol Ẹdo) Version 1996

³ Iran ghi rre evba nii, iran keghi ghe vbene igbama e Livai na ya guan hẹ, iran na rhunmwuda onii mudia iran na nọ rẹn wẹẹ, “Vbe u a ru vbe emwa na yi? Gha ọ rhie ruẹ gha di edinran?”

Giọgis 18:3 ပူးပေါင်းရင်းမြစ်များ

Gẹnẹsis 27:22

E Jekọb keghi sikẹ erha ẹe, ọ keghi ya obọ ghe ẹre egbe, ọ na kha wẹẹ, “Urhu ruẹ ye vbe urhu Jekọb, sokpan obọ ruẹ yevbe ọghe Isọ.”

Aizaia 22:16

“Demwi ne u tie egbe ruẹ re yi? De asẹ ne u mwẹ yi ne u ya fian idin ne egbe uẹ vbe ọkpẹn oke okuta?

Matiu 26:73

Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”

Giọgis 12:6

iran ghi wẹ ne ọ kha wẹẹ “Sihibolẹt” Sokpan rẹn ghi kha wẹẹ “Sibolẹt” rhunmwuda, ẹ i guara ta ẹe ẹse. Iran ghi mu ẹẹn piẹnkhẹnrhẹn, iran ghi gbe ẹe rua ye evba vbe ehe ne a na fian Ẹzẹ Jọdan rra. Ivbi Ifreim ne a gbele vbe ẹghẹ nii kegha re arriaisẹn eva yan iyeva (42,000).

Giọgis 18:2

Ẹre ivbi e Dan na zẹ arhin isẹn ni kẹ re vbe avbe ẹgbẹe ni rre ẹwae nii, iran keghi gie iran ke Zora kevbe Estao gha khian wẹ ne iran ya la otọe ni ne iran vbe ba ẹe ghee. Ọ re iran na gha rrie ẹvbo oke ọghe Ifreim, iran na di owa Maika ya.

Giọgis 18:4

Rẹn keghi wanniẹn tama iran wẹẹ, “Mẹ vbe Maika guan kugbe nẹ, te imẹ winna ne ẹẹn zẹ vbe ohẹn, ọ vbe ha mwẹ osa.”