Giọgis 18:26 - Edo Bible (E Baibol Ẹdo) Version 1996

²⁶ Ẹre ivbi e Dan na gha khian. E Maika miẹn wẹ iran wa wegbe sẹ irẹn gbe, rhunmwuda ọnii, ọ na werriegbe, ọ na gha rrie owa.

Giọgis 18:26 ပူးပေါင်းရင်းမြစ်များ

Gẹnẹsis 49:16

Enogie ọre Dan ra gha khin ne emwa rẹn te irẹn ra vbe gha ye vbe ẹvbo nekpa vbe Izrẹl.

I Ọba 12:29

Ọ keghi mu ọkpa vbe ẹmila igoru ni ye Bẹtẹl, ọ keghi mu e nọkpa ye Dan.

Ezikiẹl 48:1

Ehe ne otọe nii lae vbe odẹ okuọ keghi ke Okun e Meditẹrrenian kpao, odẹ ahọ ore nọkhua e Hẹtlọn, Ada e Hamat, ya sẹ Enọn ya sẹ uwu Damaskọs kevbe Hamat. A ghi ghae otọe ne ẹwae ọkpọkpa, otọe ne ọ le ehe ne ọ sẹe vbe odẹ ekẹn ya sẹ okun, e Meditẹrrenian vbe ọsegbe ọsegbe vbenian ke odẹ okuọ ya sẹ odẹ ekẹn. E Dan Asia E Naftali E Manasẹ Ifreim E Riubẹn E Juda

Giọgis 18:25

Emwa e Dan nii keghi tama rẹn wẹẹ, “Ghẹ ghi guan gberra evba ne a ghẹ miẹn wẹ ohu mu emwa na, iran ghi do guẹ gbinna. Wẹ kevbe ẹgbẹe ruẹ hia ghi wulo.”

Giọgis 18:27

Avbe ivbi e Dan na keghi viọ emwi ne Maika gho ke ẹe kevbe ohẹn ọnrẹn. Iran na gha khian ya khọn Lais ne ẹvbo emwa ọmẹhẹ ne khuẹrhẹ, ne ọ rre iya ne Bẹtẹhọb vbe ye. Iran keghi gbele emwa ni rrọọ, iran na giẹn ẹvbo nii uan. A ma miẹn ọmwa ne ọ miẹn iran fan rhunmwuda ẹvbo ni rrei vbe Saidọn, emwa ne iran vbe gba ru kugbe ẹ i rrọọ. Ivbi e Dan keghi dọlegbe bọ ẹvbo nii, iran na yin ẹnrẹn.