Giọgis 18:2 - Edo Bible (E Baibol Ẹdo) Version 1996

² Ẹre ivbi e Dan na zẹ arhin isẹn ni kẹ re vbe avbe ẹgbẹe ni rre ẹwae nii, iran keghi gie iran ke Zora kevbe Estao gha khian wẹ ne iran ya la otọe ni ne iran vbe ba ẹe ghee. Ọ re iran na gha rrie ẹvbo oke ọghe Ifreim, iran na di owa Maika ya.

Giọgis 18:2 ပူးပေါင်းရင်းမြစ်များ

Gẹnẹsis 42:9

Ọ keghi ye imina ne irẹn minaẹn vbe ekpa iran rre, ọ na kha wẹẹ, “Ọrhẹ wa khin, te uwa do ghe ehe ne ọ gha rọkhọ ne uwa na dekun ẹvbo mwa.”

Itan 20:18

U gha miẹn ne ọ bu ruẹ ude esi, ọ gha dunna nuẹn; ghẹ wa khọn la uwu okuo vbene u i na ka mwamwaẹn nẹ.

Nọmbas 13:17

Ugbẹn vbe Mosis ghi gie iran ladian, ọ tama iran wẹẹ, “Wa la odẹ okuọ la odẹ ekẹn ọghe ẹvbo Kenan ya sẹ ẹvbo oke nii.

Iyẹn ne ọ Maan Ọghe Luk 14:31

A deghẹ ọba ọkpa viọ ivbiyokuo arriaisẹn igbe rrie okuo ne ọ ya gu ọba ne ọ mwẹ ivbiyokuo arriaisẹn vbe ihe ugie gbinna, te ọ gha ka tota rorọe nẹ a deghẹ rẹn wo vbe egbe sẹ ne ọ gha mu aro da ọba nii.

Jọsua 15:33

Avbe ẹvbo ni rre ototọ oke kegha re. Estao, Zora, Asna,

Jọsua 19:41

Usun avbe ehe ne ọ lae kegha re Zora, Estao, Isiẹmẹs,

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:2

Ọba Jẹriko keghi họn ẹmwẹ na wẹ ivbi Izrẹl eso rri ẹvbo na nasọn ne iran do ba otọe na ghe.

Giọgis 13:2

Okpia ọkpa kegha rrọọ ẹghẹ nii ne a tie ẹre Manoa ovbi ẹvbo ne a tie ẹre Zora gha a nọ, ọ keghi vbe gha re ovbi ẹwae e Dan. Amwẹ ọnrẹn ma biẹ.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 16:31

Etiọnrẹn hia kevbe ẹgbẹe ọre hia kegha dee do mu ikun ẹnrẹn. Iran keghi mu ẹẹn gha rrie, iran na ya re ẹre ye idin erha ẹe ighẹ Manoa vbe ẹkpo Zora kevbe Estao. Ukpo ugie ọ re ọ ya gha re ọkaolotu ivbi Izrẹl.

Giọgis 17:1

Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.

Giọgis 18:11

Ẹre arhin uri eha vbe ẹwae Dan na kpao vbe Zora kevbe Estao, iran na mu egbe igbinna.

Giọgis 18:13

Iran ghi ke evba kpao iran na sẹ owa e Maika vbe ẹvbo oke Ifreim.

Giọgis 18:3

Iran ghi rre evba nii, iran keghi ghe vbene igbama e Livai na ya guan hẹ, iran na rhunmwuda onii mudia iran na nọ rẹn wẹẹ, “Vbe u a ru vbe emwa na yi? Gha ọ rhie ruẹ gha di edinran?”

Giọgis 18:8

Ikpia isẹn na ghi werriegbe gha rrie Zora kevbe Estao nẹ, emwa ẹvbo iran keghi nọ iran emwi ne iran ghi miẹn.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

Giọgis 19:18

E Livai ni keghi wanniẹn wẹẹ, “E Bẹtlẹhẹm ne Juda ọ re ima ke dee. Uwu ẹvbo oke Ifreim gban an, ne imẹ ye ọ re ima rrie. I ma he miẹn ọmwa ne ọ rhie mwẹ la owa.