Giọgis 18:17 - Edo Bible (E Baibol Ẹdo) Version 1996

¹⁷ Avbe ọrhẹ nisẹn nii keghi la owa, iran keghi mu amazẹ erhan nii ne a ya esiliva rhu, kevbe avbe amazẹ nekpa kevbe adaghọ. Ohẹn keghi gu arhin uri eha ni mu egbe okuo nii gha rre onurho.

Giọgis 18:17 ပူးပေါင်းရင်းမြစ်များ

Gẹnẹsis 31:19

E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:30

I rẹnrẹn wẹẹ ẹmwẹ owa ọ re ọ fian re ọ re u na kpao sokpan vbua ghi na vbe do ẹbọ mwẹ viọ hẹ?”

Ẹksọdọs 32:20

Ọ keghi mu ẹkhuia ẹmila ne iran ru nii ọ na giẹn ọnrẹn uan, ọ na dunmwu ẹn rẹnkhẹn, ọ na khakha ebubẹ ọre lele amẹ, ọ na wẹ ne ivbi Izrẹl wọn ẹn.

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 46:7

Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Ezikiẹl 21:21

Ọba e Babilọn mudia vbe ehe ne ọ gie odẹ ma ọmwa vbe ehe ne odẹ nọ va ada nii ye. Ne ọ miẹn ehe na rẹn odẹ ne ọ gha la ghe vbọ, ọ fieghe ifẹnmwẹ, ọ nọ avbe amazẹ ọre, ọ gbe aro kotọ ghe vbene ihẹnmwẹ aranmwẹ ne ọ ya zọ ese ye hẹ.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Maika 5:13

I gha guọghọ amazẹ uwa kevbe avbe orre okuta ẹbọ rua, wa i ghi ra dọlegbe gha gho emwi ne uwa ya obọ uwa ru ọvbehe.

Giọgis 18:14

Ẹre iran isẹn ni ya ba ẹvbo ni rre odẹ Lais ghi na tama ihua iran wẹẹ, “Wa rẹnrẹn nian ighẹ amazẹ erhan ne a ya esiliva rhu rre uwu owa na? Amazẹ ọvbehe ye vbe rrọọ deba adaghọ. Vbe uwa ro ighẹ a gha ru ẹe hẹẹ?”

Giọgis 18:16

Vbe ẹghẹ ne a kha na arhin uri eha ne ivbi iyokuo e Dan, ni mu egbe ne iran gha ya gbinna mudia vbe onurho.

Giọgis 18:18

Ugbẹn vbe ikpia nii ghi la owa e Maika ya viọ avbe emwi itaemwi ni nẹ, ohẹn keghi tama iran wẹẹ, “Vbe uwa ru na yi?”

Giọgis 18:2

Ẹre ivbi e Dan na zẹ arhin isẹn ni kẹ re vbe avbe ẹgbẹe ni rre ẹwae nii, iran keghi gie iran ke Zora kevbe Estao gha khian wẹ ne iran ya la otọe ni ne iran vbe ba ẹe ghee. Ọ re iran na gha rrie ẹvbo oke ọghe Ifreim, iran na di owa Maika ya.

Giọgis 6:31

Sokpan, e Joas wanniẹn iran ni gu ẹe guan wẹẹ, “Wa ọ re ọ guan ne Bal ra? Wa ọ re ọ kha ne unu e Bal ra? Ọmwa ne ọ rhirhi guan ne ẹẹn, a gha gbe ẹe rua ọ te sẹ owiẹ. A deghẹ ẹbọ ọ re Bal gele khin, wa gie ẹe khọn ekhae ne egbe ẹre. Aka ẹre ọ re a dunmwu uan.”

I Samuẹl 19:13

Ọ keghi mu ukhurhẹ iran vbe owa nii, ọ na mu ẹẹn ye ukpo. Ọ na mu ukohunmwu ne a ya eto ẹwe ru ye odẹ uhunmwu ẹnrẹn, ọ na ya ukpọn gue ẹre.

I Samuẹl 4:11

okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.