Giọgis 18:10 - Edo Bible (E Baibol Ẹdo) Version 1996

¹⁰ Wa gha sẹ evba, wa gha miẹn wẹ emwa nii i vbe mu idandan rhọkpa. Ẹvbo nọkpọlọ nọ. Emwi ne ọ mwa ghi ho hia rrọọ. Osanobua vbe mu ẹẹn ne uwa nẹ.

Giọgis 18:10 ပူးပေါင်းရင်းမြစ်များ

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Diuteronomi 2:29

Rhinrin ma te fian Jọdan rra gha rrie otọe ne Nọyaẹnmwa ne Osanobua mwa ra mu ne ima. Ivbi uniẹn Isọ ni rre Idọm kevbe emwa Moab ni rre Ar gie ima la ẹvbo iran gberra.’

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Jọsua 2:23

Iyeke ọnii avbe ọrhẹ eva na keghi ke uhunmwu oke tuorre, iran na fian ẹzẹ rra, iran na bu e Jọsua gha khian ya na iyẹn emwi ni sunu hia ma rẹn.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 6:16

Iran ghi khian lẹga vbe ne ukpo-gihinrọn, avbe ohẹn ghi si orhu ni nẹ, e Jọsua keghi tama emwa ni wẹẹ, “Wa davan, e Nọyaẹnmwa mu ẹvbo na ne uwa nẹ.

Giọgis 18:11

Ẹre arhin uri eha vbe ẹwae Dan na kpao vbe Zora kevbe Estao, iran na mu egbe igbinna.

Giọgis 18:27

Avbe ivbi e Dan na keghi viọ emwi ne Maika gho ke ẹe kevbe ohẹn ọnrẹn. Iran na gha khian ya khọn Lais ne ẹvbo emwa ọmẹhẹ ne khuẹrhẹ, ne ọ rre iya ne Bẹtẹhọb vbe ye. Iran keghi gbele emwa ni rrọọ, iran na giẹn ẹvbo nii uan. A ma miẹn ọmwa ne ọ miẹn iran fan rhunmwuda ẹvbo ni rrei vbe Saidọn, emwa ne iran vbe gba ru kugbe ẹ i rrọọ. Ivbi e Dan keghi dọlegbe bọ ẹvbo nii, iran na yin ẹnrẹn.

Giọgis 18:7

Ẹre ikpia ihinrọn ni ghi na kpao, iran na gha rrie Lais. Iran keghi miẹn vbene ẹkun wa sẹ emwa ni rre ẹvbo nii otọ hẹ zẹ vbe emwa Saidọn, ọmẹhẹ ọ re iran wa khin, iran i gu emwa rhọkpa muan ẹmwẹ. Iran mwẹ emwi ne iran ho hia. Iran wa khian rrei ne ivbi e Saidọn. Iran i vbe mwẹ emwa ne iran gba ru hiehie.

Giọgis 18:9

Iran wanniẹn wẹẹ, “Giẹgiẹ, wa gia ya khọn Lais. Ma miẹn otọe vbe evba, ọ keghi wa vbe maa ẹsẹse. Wa ghẹ tota vbe emwa vbe na i na ru emwi rhọkpa, ẹgiẹgiẹ! Wa la rọ ne uwa ya mu ẹẹn.