Giọgis 17:6 - Edo Bible (E Baibol Ẹdo) Version 1996

⁶ Ọba i rre Izrẹl ẹghẹ nii, dọmwadẹ ọghọe keghi wa gha ru vbene ọ khọn rẹn.

Giọgis 17:6 ပူးပေါင်းရင်းမြစ်များ

Gẹnẹsis 36:31

Ena ọrọre avbe ọba ni gha khaemwisẹ yan Idọm vbe avbe ọba te suẹn gha la ukpo vbe Izrẹl: E Bẹla ne ovbi Beọ ne ovbi ẹvbo ne a tie ẹre Dinhaba E Jobab ne ovbi e Zẹra ne ọ ke Bozra rre E Husiam ne ọ keotọ Tẹman E Hadad ne ovbie Bedad, (ne ọ khọn Midian miotọ vbe ẹvbo Moab) A kegha tie eni ẹvbo ẹre Avit E Samla ne ọ ke Masreka rre E Siọl ne ọ ke Rehobọt ne ọkpẹn ẹzẹ rre ke. E Baal Hanan ne ovbi e Akbọ E Hadad ne ovbi ẹvbo Pau (a kegha tie amwẹ ọnrẹn Mehetabẹl, ovbi e Matrẹd kevbe eyẹ Mesahab nokhuo.)

Psalm 12:4

“Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Itan 12:15

Avbe akpa ọ re ọ wa ro vbe ẹghẹ hia wẹ emwi ne irẹn ru wa gba, avbe umẹwaẹn ghi gha rhie ude.

Itan 14:12

Odẹ ne uwẹ te ro wẹ ọ re ọghe ẹmwata sẹtin wa gha re ne a la sẹ uwu.

Itan 16:2

U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Diuteronomi 12:8

“Ọ gha sẹ ẹghẹ nii nẹ, wa ghẹ ghi ru vbene uwa ka ru de yi do sẹ wanwan nian, dọmwadẹ ọghe ọe ọ re ọ ho vbene ọ khọnrẹn.

Diuteronomi 33:5

E Nọyaẹnmwa kegha re ọba emwa rẹn Izrẹl, vbe a ghi si avbe ẹwae kevbe ọkaolotu iran si koko.

Giọgis 18:1

Ọba i rre Izrẹl ẹghẹ nii. Vbe ẹghẹ na, ẹwae Dan kegha gualọ otọ ne iran gha mu ne iran yin ẹnrẹn. Rhunmwuda, do sẹ ẹghẹ nii, otọ ma he sẹ iran obọ zẹ vbe ọghe iran vbe ẹbu avbe ẹwae Izrẹl.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

Giọgis 21:25

Ọba i rre Izrẹl ẹghẹ nii. Dọmwadẹ ọghe ọe ọ re ọ wa gha ru vbe ne ọ khọn rẹn.

Giọgis 21:3

Iran keghi kha wẹẹ, “E Nọyaẹnmwa Osanobua Izrẹl, vbe ọna na do sunu hẹẹ? Vbe ẹwae e Bẹnjamin ra na wa gbe ẹro hẹẹ vbe otọe Izrẹl?”