Giọgis 17:4 - Edo Bible (E Baibol Ẹdo) Version 1996

⁴ Sokpan rẹn kevbe dọlegbe viọ ẹre ne iye ẹe. Okhuo nii keghi viọ uri vbe igho nii, ọ keghi viọ ne igun ẹrọnmwọ, ọ keghi ya ẹe ru amazẹ ne a ya erhan ka ẹe, a keghi ya esiliva rhu ẹe. A keghi mu ẹẹn ye owa e Maika.

Giọgis 17:4 ပူးပေါင်းရင်းမြစ်များ

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 44:13

Owinna gha mwa erhan, ọ ghi ya orhue vin ama yọ, ọ ghi ya emwi iwinna rẹn ka ẹre, ọ ghi ru ẹe ya ta ọmwa, ama ọmwa nagbọn ne ọ mose, ne ọ mu ye uwowa ẹre.

Habakọk 2:18

De esa ne ẹbọ ye yi? Emwi ne ọmwa ya obọ ru kẹkan ma, nẹ ẹ i vbe ta ẹmwẹ ọkpa ma ruẹn gberra ohoghe. De ọ maa ọkpa ne ọmwa ne ọ mu ẹtin yan rẹn ra miẹn vbọ yi — ẹbọ ne ẹ i sẹtin guan.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Giọgis 17:3

Ọ keghi viọ igho esiliva iyisẹn yan arriaisẹn nii gie iye ẹe. Iye ẹe keghi kha wẹẹ, “Ovbi mwẹ, ne ihẹn ni ghẹ miẹn ehe na sẹ uẹ egbe, mẹ ra tobọ mwẹ ya ọghọ vbute ya ẹe fi ohan ne Nọyaẹnmwa. A gha ya ka amazẹ erhan, a ghi ya esiliva rhu ẹe. Rhunmwuda ọnii nian, I gha dọlegbe viọ ẹre nuẹn.”

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.

Giọgis 18:17

Avbe ọrhẹ nisẹn nii keghi la owa, iran keghi mu amazẹ erhan nii ne a ya esiliva rhu, kevbe avbe amazẹ nekpa kevbe adaghọ. Ohẹn keghi gu arhin uri eha ni mu egbe okuo nii gha rre onurho.