Giọgis 17:3 - Edo Bible (E Baibol Ẹdo) Version 1996

³ Ọ keghi viọ igho esiliva iyisẹn yan arriaisẹn nii gie iye ẹe. Iye ẹe keghi kha wẹẹ, “Ovbi mwẹ, ne ihẹn ni ghẹ miẹn ehe na sẹ uẹ egbe, mẹ ra tobọ mwẹ ya ọghọ vbute ya ẹe fi ohan ne Nọyaẹnmwa. A gha ya ka amazẹ erhan, a ghi ya esiliva rhu ẹe. Rhunmwuda ọnii nian, I gha dọlegbe viọ ẹre nuẹn.”

Giọgis 17:3 ပူးပေါင်းရင်းမြစ်များ

II Krọnikol 33:7

Ọ keghi mu amazẹ ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ: “Emwa na vbe Jerusalẹm, vbe Ọgua Osa na, ọ re ehe ne I zẹe vbe otọe ẹwae iweva ni rre Izrẹl, wẹ, a gha na gha ga mwẹ.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Ẹksọdọs 34:17

“Wa ghẹ ya ematọn ne a ranran ẹn ma ẹbọ ne egbe uwa.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Levitikọs 19:4

“Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Diuteronomi 12:3

Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Giọgis 17:13

E Maika keghi kha wẹẹ, “Banbanna nian, I rẹnrẹn wẹ e Nọyaẹnmwa gha gie agbọn ma mwẹ vbene I ghi na mwẹ ohẹn ne ọ re e Livai na.”

Giọgis 17:2

Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

Giọgis 17:4

Sokpan rẹn kevbe dọlegbe viọ ẹre ne iye ẹe. Okhuo nii keghi viọ uri vbe igho nii, ọ keghi viọ ne igun ẹrọnmwọ, ọ keghi ya ẹe ru amazẹ ne a ya erhan ka ẹe, a keghi ya esiliva rhu ẹe. A keghi mu ẹẹn ye owa e Maika.

Giọgis 18:30

Ivbi e Dan na do mu amazẹ nii ye otọ ne iran gha gho ẹre. E Jonatan ne ovbi Gẹsiọn ne ovbi e Mosis keghi gha ru ohẹn ne emwa e Dan na, uniẹn ọnrẹn ọ re ọ gha ru ohẹn a te do miẹn wẹ a hẹ iran gha rrie iwe.

Giọgis 18:5

Iran keghi tama rẹn wẹẹ, “Lahọ, nọ Osanobua a deghẹ okhian ne ima rrie na gha de ẹse.”