Giọgis 17:2 - Edo Bible (E Baibol Ẹdo) Version 1996

² Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

Giọgis 17:2 ပူးပေါင်းရင်းမြစ်များ

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Itan 28:24

Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Ebe ne Pọl gbẹẹn gie emwa Rom 9:3

Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

II Jọn 1:11

Rhunmwuda, ọmwa ne ọ na erhunmwu ọfumwegbe ne ẹẹn ọ gu ẹe mwẹ obọ vbe iwinna dan ne ọ winna.

Giọgis 17:1

Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.

Giọgis 17:3

Ọ keghi viọ igho esiliva iyisẹn yan arriaisẹn nii gie iye ẹe. Iye ẹe keghi kha wẹẹ, “Ovbi mwẹ, ne ihẹn ni ghẹ miẹn ehe na sẹ uẹ egbe, mẹ ra tobọ mwẹ ya ọghọ vbute ya ẹe fi ohan ne Nọyaẹnmwa. A gha ya ka amazẹ erhan, a ghi ya esiliva rhu ẹe. Rhunmwuda ọnii nian, I gha dọlegbe viọ ẹre nuẹn.”

Giọgis 5:23

Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.

Ebe Rut 3:10

Rẹn keghi wanniẹn wẹẹ, “Te Nọyaẹnmwa gha fiangbe uẹ, ovbi mwẹ. Uwa ya emwi ne u ru na rhie maa wẹ ọmwa ne ọ guobọ mwa u khin, ọna vbe sẹ ne u ru ne iye ọdafọn ọn rhunmwuda, u gha sẹtin gualọ igbama rọnmwẹ, ọ re ne ọ fe nọ ra ne ọ ma fe, sokpan u ma ru vberriọ.

I Samuẹl 14:24

Vbe ẹdẹ ne a kha na, ohanmwẹ keghi wọ ivbi Izrẹl egbe, rhunmwuda, e Sọl ya eyan ne ọ ke ekhọe rre tama emwa hia wẹẹ, “Emwi ọ gha rruan ọmwaikọmwa ne ọ rri evbare ẹrẹna I te do rria ikhi vbe egbe avbe eghian mwẹ.” Ọ re a na miẹn wẹ, ọmwa rhọkpa ma he rri evbare ẹdẹ nẹdẹrriọ hia.

I Samuẹl 14:28

Sokpan, ọkpa vbe uwu avbe emwa nii keghi kha wẹẹ, “Obọ ohanmwẹ da emwa hia, sokpan erha a yan ma ima wẹẹ, ‘Emwi ọ gha rruan ọmwa ne ọ rhirhi a rri evbare ẹrẹna.’ ”

I Samuẹl 15:13

E Samuẹl keghi bu e Sọl, e Sọl keghi tuẹ ọe wẹẹ, “E Nọyaẹnmwa ne ọ fiangbuẹ e Samuẹl. I ru nẹ zẹ vbene ọ kha re.”

I Samuẹl 23:21

E Sọl keghi wanniẹn wẹẹ, “Te Osanobua gha fiangbe uwa ne uwa na tohan mwẹ vberriọ!

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.