Giọgis 17:1 - Edo Bible (E Baibol Ẹdo) Version 1996

¹ Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.

Giọgis 17:1 ပူးပေါင်းရင်းမြစ်များ

I Ọba 4:8

Iran ne a zẹlẹe ke ehe ne iran gha gbearoghe ọre ena khin: E Benhọ: Ifreim ne ẹvbo oke

Jọsua 15:9

Ọ keghi vbe ke uhunmwu oke nii kpao gha rrie Ivbiẹzẹ Nẹftoa, ọ na vbe la ghe odẹ ẹvbo ni rre ọkpẹn Oke Efrọn. Evba ọ ghi vbe ke mukhiẹn ghe odẹ Baala (ra kirriat Giearim.)

Jọsua 21:21

A keghi viọ Siẹkẹm ne iran ke otọe erria ne ọ rrọọ vbe ẹvbo oke Ifreim (ọkpa vbe ẹvbo ne ọmwa ne ọ gbe ọmwa ran lẹ fi) Gẹzẹ.

Jọsua 24:30

Iran keghi re ẹre ye otọ ẹre vbe Timnat Sera vbe Ifreim ne ẹvbo oke vbe odẹ okuọ Oke Gaas.

Giọgis 10:1

Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.

Giọgis 16:31

Etiọnrẹn hia kevbe ẹgbẹe ọre hia kegha dee do mu ikun ẹnrẹn. Iran keghi mu ẹẹn gha rrie, iran na ya re ẹre ye idin erha ẹe ighẹ Manoa vbe ẹkpo Zora kevbe Estao. Ukpo ugie ọ re ọ ya gha re ọkaolotu ivbi Izrẹl.

Giọgis 17:2

Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

Giọgis 18:13

Iran ghi ke evba kpao iran na sẹ owa e Maika vbe ẹvbo oke Ifreim.

Giọgis 18:2

Ẹre ivbi e Dan na zẹ arhin isẹn ni kẹ re vbe avbe ẹgbẹe ni rre ẹwae nii, iran keghi gie iran ke Zora kevbe Estao gha khian wẹ ne iran ya la otọe ni ne iran vbe ba ẹe ghee. Ọ re iran na gha rrie ẹvbo oke ọghe Ifreim, iran na di owa Maika ya.

Giọgis 3:27

Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.