Giọgis 16:6 - Edo Bible (E Baibol Ẹdo) Version 1996

⁶ Ẹre Delila na tama Samsin wẹẹ, “Lahọ, tama mwẹ emwi ne ọ ya a wegbe sẹrriọ. A deghẹ ọmwa ho ne ọ mu ẹẹn gba ne egbe fu ẹ, vbe ọ gha ya ru ẹe hẹ.”

Giọgis 16:6 ပူးပေါင်းရင်းမြစ်များ

Nehimaia 6:4

Iran keghi gie uhunmwu ọkpa ni gunmwẹ igba enẹ, vbe uwu ehia nii, ewanniẹn ọkpa nii ọ re I rhie gie iran.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Itan 22:14

Ifi ọ re ọghe khin, emwa ne ohu ẹre mu e Nọyaẹnmwa ọ re ọ mu.

Itan 26:28

Ọmwa ne u i ho ẹmwẹ ọnrẹn ọ re u gha ho ne u mu ẹmwẹ ohoghe kuan, ọfuan ọ re ẹmwẹ erẹrẹ si rre.

Itan 6:26

Ọmwa gha sẹtin ya igho ne a ya de ohoho ebrẹd okpa mu igberagia rrie owa, sokpan, ọ gha miẹn amwẹ ẹrrẹe, emwi ne ọ mwẹ hia ọ re ọ ra ya ha osa.

Itan 7:21

Erriọ ọ re ọ ye ose ẹre danmwẹ ọẹn ghe. Ọ na de yọ rhunmwuda ọ ta ne ọ rhiẹnrhiẹn.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Maika 7:5

Ghẹ ya ẹmwẹ ọmwa ẹdogbo ruẹ yi ra ne u mu ẹtin yan ọse ruẹ. Gha rẹn vbene u gu emwa guan hẹ, ya sẹ egbe amwọn.

Giọgis 14:17

Okhuo nii na wa ya ikpẹdẹ ihinrọn ọghe imuemwi nii wa gha viẹ, sokpan, ọ ghi sẹ ikpẹdẹ ne ogihinrọn, ọ keghi san ibo nii ma rẹn rhunmwuda, te ọ ghi te ra ya etalọ gbe ẹe rua ba ẹmwẹ na. Ọ re rẹn na ya tama avbe ọsiọre.

Giọgis 16:5

Avbe ọba e Filistia isisẹn keghi bu ẹre gha khian, iran tama rẹn wẹẹ, “Rẹrẹ ọe o ighẹ Samsin ne u miẹn otọ emwi ne ọ ya ẹe wegbe sẹrriọ, kevbe vbene obọ ima gha ya vba ẹre hẹ, ne a mu ẹẹn gba ne egbe fu ẹe. Ọkpọkpa vbe uwu ima gha viọ igho esiliva iyisẹn yan arriaisẹn (1,100) nuẹn.”

Giọgis 16:7

E Samsin keghi wanniẹn wẹẹ, “Iran gha ya irri uhanbọ ihinrọn ọgbọn ne ọ ma he kaka a, gba mwẹ, mẹ ghi do ye mitan mitan zẹ vbe emwa ọvbehe.”