Giọgis 16:4 - Edo Bible (E Baibol Ẹdo) Version 1996

⁴ Vbe iyeke, ọnọna, e Samsin keghi rhie obọ ye ẹmwẹ okhuo ọkpa vbe Iya Sorẹk, a keghi tie okhuo ni Delila.

Giọgis 16:4 ပူးပေါင်းရင်းမြစ်များ

I Ọba 11:1

E Solomọn kegha ho ẹmwẹ ikhuo eghọẹn ni bun. Ye vbe gberra ovbi ọba Igipt, ọ kevbe viọ ikhuo e Hiti, e Moab, Amọn, Idọm kevbe Saidọn.

Nehimaia 13:26

I keghi tama iran wẹẹ, “Ikhuo ẹvbo ọvbehe ọ re ọ si e Solomọn la orukhọ na ru. Ghe okpia na ne ọ te kpọlọ sẹ avbe ọba ẹvbo ọvbehe hia fẹẹrẹ. Osanobua ho ẹmwẹ ọnrẹn ọ kevbe ya ẹe rrioba yan ivbi Izrẹl, sẹ evba ọ keghi ye de ye orukhọ na.

Itan 22:14

Ifi ọ re ọghe khin, emwa ne ohu ẹre mu e Nọyaẹnmwa ọ re ọ mu.

Itan 23:27

Avbe igberagia kevbe ikhuo ni sakan an, ifi ne ọ gbe ọmwa ọ re iran khin.

Itan 26:11

Ọzuọ ne ọ yin uyinmwẹ okpa yan egbe ukpogieva, te ọ yevbe ekita ne ọ vbe rri ekpa ne ọ kpae.

Itan 27:22

Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.

I Kọrinti 10:6

Igie emwi ọre a ye avbe emwi na hia rhie ne ima, na a ya yan ma ima ne ima ghẹ gha gualọ emwi dan zẹ vbene iran ru.

Giọgis 16:3

Sokpan e Samsin keghi lovbiẹ ye ukpo ọ te sẹ ogiasọn. Rẹn na ghi kpaegbe, ọ na dobọ ye urho ẹvbo nii, ọ na silo ẹe vbọ, ẹkhu nii kevbe erhan ne a kan rẹn mu kevbe ehia. Ọ na viọ ehia yan izabọ, ọ na kun ẹnrẹn gha rrie uhunmwu oke ne a ke ghe Hibrọn.

Giọgis 16:5

Avbe ọba e Filistia isisẹn keghi bu ẹre gha khian, iran tama rẹn wẹẹ, “Rẹrẹ ọe o ighẹ Samsin ne u miẹn otọ emwi ne ọ ya ẹe wegbe sẹrriọ, kevbe vbene obọ ima gha ya vba ẹre hẹ, ne a mu ẹẹn gba ne egbe fu ẹe. Ọkpọkpa vbe uwu ima gha viọ igho esiliva iyisẹn yan arriaisẹn (1,100) nuẹn.”