Giọgis 16:2 - Edo Bible (E Baibol Ẹdo) Version 1996

² Emwa e Gaza keghi họn wẹ e Samsin rre evba, iran keghi ghae ga evba nii, iran na gha khẹ ọre vbe onurho ne a la la ẹvbo nii vbe asọn ni hia. Iran keghi hunwan vbe asọn nii hia, iran kegha ye ekhọe iran ta ẹe wẹẹ, “Ma gha mudia ne ẹdẹ gbe ẹghẹ nii ma ghi gbe ẹe rua.”

Giọgis 16:2 ပူးပေါင်းရင်းမြစ်များ

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iyẹn ne ọ Maan Ọghe Luk 21:20

“Wa ghẹ ghi miẹn ighẹ ivbiyokuo lẹga Jerusalẹm, wa ghi rẹn ighẹ te a ghi ra dunmwu ẹn ruan.

Iwinna 23:15

Rhunmwuda ọnii nian, wa kevbe Iko gie uhunmwu gie Ọkaokuo e Rom wẹ ne ọ rhie Pọl bu uwa gha dee, wa ghi ba kha ighẹ wa ra dọlegbe gualọ otọ ẹzọ ẹre ẹse. Sokpan ma mu egbe ne a gbe ẹe rua ọ te sẹ edinran.”

Iwinna 9:24

Sokpan emwa eso keghi do ya ẹmwẹ ha ẹre ehọ we ghe uma ne iran si. Iran kegha khẹ odẹ ne a la la ẹvbo ni asọn kevbe avan ne iran miẹn ehe na gbe ẹe rua.

Giọgis 15:18

Ovbamẹ ke wa gha gbe Samsin, ẹre ọ na datie Nọyaẹnmwa wẹẹ, “U rhie akhọnmiotọ nọkhua na mẹ nẹ, te ovbamẹ ghẹ ghi gbe mwẹ uan ra ne avbe ivbi e Filistia ni ga ẹbọ na do mu mwẹ oghunmwu gha rrie?”

Giọgis 16:3

Sokpan e Samsin keghi lovbiẹ ye ukpo ọ te sẹ ogiasọn. Rẹn na ghi kpaegbe, ọ na dobọ ye urho ẹvbo nii, ọ na silo ẹe vbọ, ẹkhu nii kevbe erhan ne a kan rẹn mu kevbe ehia. Ọ na viọ ehia yan izabọ, ọ na kun ẹnrẹn gha rrie uhunmwu oke ne a ke ghe Hibrọn.

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”

I Samuẹl 23:26

E Sọl kevbe emwa rẹn kegha rre obọkpa ọghe nene oke vbe ne Devid kevbe emwa rẹn na gha rre obọ nọkpa. Iran keghi yẹn owẹ ye okhian ne iran lẹ fe Sọl kevbe emwa rẹn ne ọ ghi wa sikẹ iran, ọ kẹ ekherhe ne obọ iran vba iran.