Giọgis 16:18 - Edo Bible (E Baibol Ẹdo) Version 1996

¹⁸ E Delila ghi miẹn wẹ ọ ta ẹmwata ne ọ rrọọ ma irẹn nẹ, ọ keghi gie ne a khama avbe ọba e Filistia wẹẹ, “Wa ye gha dee uhukpa kẹkan, ọ ta ẹmwata ne ọ rrọọ ma mwẹ nẹ nian.” Ọ re iran ghi na viọ igho ni mwẹ obọ gha dee.

Giọgis 16:18 ပူးပေါင်းရင်းမြစ်များ

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

Psalm 62:9

Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.

Itan 18:8

Ewẹwẹwẹ rhiẹnrhiẹn gbe — u miẹn vbe ima ho ne a gha rhie ẹre mi re hẹ!

Nọmbas 22:7

Ẹre avbe ọkaolotu Moab ke Midian na viọ igho ne iran gha ya ha osa ne ẹẹn vbe ọ gha fi iran unu mwẹ obọ, iran keghi bu e Balam gha khian, iran na ya tama rẹn vbene Balak gie.

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

Giọgis 16:17

Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”

Giọgis 16:19

Ọ keghi mu e Samsin uhunmwu ye ekuawẹ bọ ẹre ye ovbe, ọ na tie okpia ọkpa rre, ne ọ do giagia ititi eto ihinrọn ọghe Samsin kua. Okhuo ni keghi hia ne ọ huẹn ọnrẹn sokpan, egbe fuẹe nẹ.

Giọgis 16:5

Avbe ọba e Filistia isisẹn keghi bu ẹre gha khian, iran tama rẹn wẹẹ, “Rẹrẹ ọe o ighẹ Samsin ne u miẹn otọ emwi ne ọ ya ẹe wegbe sẹrriọ, kevbe vbene obọ ima gha ya vba ẹre hẹ, ne a mu ẹẹn gba ne egbe fu ẹe. Ọkpọkpa vbe uwu ima gha viọ igho esiliva iyisẹn yan arriaisẹn (1,100) nuẹn.”