Giọgis 16:17 - Edo Bible (E Baibol Ẹdo) Version 1996

¹⁷ Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”

Giọgis 16:17 ပူးပေါင်းရင်းမြစ်များ

Itan 12:23

Adazẹ i ta emwi ne ọ rẹnrẹn ladian, sokpan avbe akpa ghi mu ukọnmwẹ iran ye ahẹn gha bọnmwẹ khian.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 29:12

Ọmwa ne ọ khaemwisẹ gha danmwehọ ẹmwẹ ohoghe ne a ta ma rẹn, ewọe ẹre hia ghi do khian ọhọn ohoghe.

Maika 7:5

Ghẹ ya ẹmwẹ ọmwa ẹdogbo ruẹ yi ra ne u mu ẹtin yan ọse ruẹ. Gha rẹn vbene u gu emwa guan hẹ, ya sẹ egbe amwọn.

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Nọmbas 6:5

“Vbe ẹghẹ ne a na miẹn wẹẹ uwu eyan Agbihiagha ọ re ọ ye, wẹ ne ọ ghẹ gbe eto ra ne ọ zẹ ẹtu. Eyan Agbihiagha ne ọ ru nii ye muẹn la inu ẹghẹ ne a ya ẹe fi ohan ne Nọyaẹnmwa la, ọ ghi gie eto kevbe ẹtu ẹre gha sọn.

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Giọgis 13:5

Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”

Giọgis 16:16

Ọ na ghi gha nọ rẹn ẹdẹgbegbe Egbe vbene ọ ya kpokpo ẹe keghi wọ ẹre sẹrriọ wẹ,

Giọgis 16:18

E Delila ghi miẹn wẹ ọ ta ẹmwata ne ọ rrọọ ma irẹn nẹ, ọ keghi gie ne a khama avbe ọba e Filistia wẹẹ, “Wa ye gha dee uhukpa kẹkan, ọ ta ẹmwata ne ọ rrọọ ma mwẹ nẹ nian.” Ọ re iran ghi na viọ igho ni mwẹ obọ gha dee.