Giọgis 16:16 - Edo Bible (E Baibol Ẹdo) Version 1996

¹⁶ Ọ na ghi gha nọ rẹn ẹdẹgbegbe Egbe vbene ọ ya kpokpo ẹe keghi wọ ẹre sẹrriọ wẹ,

Giọgis 16:16 ပူးပေါင်းရင်းမြစ်များ

Job 21:4

“Mẹ vbe ọmwa kẹkan i mwẹ egbe ẹzọ; adeghẹ egbe balọ mwẹ, ọ mwẹ otọ.

Jona 4:9

Sokpan, Osanobua tama rẹn wẹẹ, “Ohu ne uwẹ mu ye ẹmwẹ erhan na khẹ kuẹ ra?” E Jona keghi wanniẹn wẹẹ, “Ohu ne ọ mu mwẹ sẹ ne ọmwa ya wu.”

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

Iyẹn ne ọ Maan Ọghe Luk 11:8

Vbe a ghi ra wẹ ọ khin? Ne I tama ruẹn, a deghẹ ọ ma la ekpa ọghe ọse wa khin kpaegbe do viọ ebrẹd nii nuẹn, te ọ gha kpaegbe viọ emwi hia ne u ho nuẹn rhunmwuda ighe ekhue ma mu uwẹ, u na rhiegba yọ nọ rẹn.

Iyẹn ne ọ Maan Ọghe Luk 18:5

vbe ne okhuo na ghi kpokpo mwẹ sẹ, I gha ruẹe ne ọmwa rhọkpa ghẹ ye ohọ yẹn ọre urhu, deghẹ ẹ i re erriọ, vbe nian ọre ọ khian gha rre, ẹ i gie aro gbannọ mwẹ.’ ”

Giọgis 14:16

Ẹre amwẹ Samsin na ye ameve bu ẹre gha khian, ọ tama rẹn wẹẹ, “U i ho ẹmwẹ mwẹ, te ohu mwẹ wa mu ẹẹn, u mu ibo ne avbe ọse mwẹ san, u ma tama mwẹ emwi ne a ya ẹe kha.” Rẹn wanniẹn tama rẹn wẹẹ, “Ne I guẹ rẹn nian wẹ I ma he ta ẹe ma erha mwẹ ra iye mwẹ. Vbọzẹ ne I gha na ta ẹe ma ruẹn?”

Giọgis 14:17

Okhuo nii na wa ya ikpẹdẹ ihinrọn ọghe imuemwi nii wa gha viẹ, sokpan, ọ ghi sẹ ikpẹdẹ ne ogihinrọn, ọ keghi san ibo nii ma rẹn rhunmwuda, te ọ ghi te ra ya etalọ gbe ẹe rua ba ẹmwẹ na. Ọ re rẹn na ya tama avbe ọsiọre.

Giọgis 16:15

Rhunmwuda ọnii rẹn tama rẹn wẹẹ, “Vbe u a na kha hẹ yi wẹ u ho ẹmwẹ mwẹ vbe ne ọ ma na zẹdẹ sẹ uẹ otọ ẹko. Igba eha ọ re u he ya mwẹ gbe ogiẹ vbe ne u i na ta ma mwẹ emwi ne ọ sii ẹe ne u na wegbe sẹrriọ.”

Giọgis 16:17

Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”