Giọgis 16:11 - Edo Bible (E Baibol Ẹdo) Version 1996

¹¹ Rẹn keghi tama rẹn wẹẹ, “Iran gha ya irri ọgbọn ne a ma he ka lo yi gba mwẹ, I ghi do gha ye mitan mitan vbe emwa ọvbehe.”

Giọgis 16:11 ပူးပေါင်းရင်းမြစ်များ

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Giọgis 15:13

Iran keghi wanniẹn wẹẹ, “Ẹn o, te ima ra gba a kẹkan ne ima mu ẹẹn ne iran. Ma i gbe ua.” Ẹre iran na ya irri ọgbọn eva gba ẹe, iran na mu ẹẹn ke ukpẹ oke ni gha dee.

Giọgis 16:10

E Delila keghi tama e Samsin wẹẹ, “U ma miẹn nian ighẹ ta u ya mwẹ gbe ogiẹ vbe ne u na ta ohoghe ma mwẹ. Lahọ, tama mwẹ vbe ne ọmwa gha ya sẹtin mu ẹẹn gba hẹẹ.”

Giọgis 16:12

Ẹre Delila na viọ irri ọgbọn, ọ na ya ẹe gba ẹe. Rẹn keghi datu wẹ e, “Samsin ivbi e Filistia dee!” Avbe emwa nii keghi mudia vbe ughugha ọvbehe. Sokpan, rẹn keghi giagia avbe irri nii, hin obọ ẹre rre vbe oru.