Giọgis 15:8 - Edo Bible (E Baibol Ẹdo) Version 1996

⁸ Ọ keghi dekun iran ọghe ọhanabe, ọ na gbele ni bun vbe uwu iran, Ẹre ọ na kpao, ọ na ya di uvun okuta ne ọ rre ukpẹ oke Etam ya.

Giọgis 15:8 ပူးပေါင်းရင်းမြစ်များ

II Krọnikol 11:6

E Bẹtlẹhẹm, Etam, e Tẹkoa,

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 63:3

E Nọyaẹnmwa keghi wanniẹn wẹẹ, “Mẹ ya owẹ rrilo avbe uhunmwu ẹvbo ginna otọ nẹ zẹ vbe alimo azara, ọmwa ne ọ rre do yọmwẹ obọ i rrọọ. I ya owẹ rrilo iran ginna otọ vbe ohu mu mwẹ, esagiẹn iran keghi gbe gba ẹwu mwẹ hia.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Giọgis 15:10

Emwa e Juda keghi nọ iran wẹẹ, “De emwi ne uwa gu ima khọn baa?” Iran keghi wanniẹn wẹẹ, “Te ima do mu e Samsin oghunmwu, ne ima vbe ya ru ẹe vbene irẹn ru ima.”

Giọgis 15:11

Ẹre arhin arriaisẹn eha na gha rrie uvun okuta ne ọ rre ukpẹ oke Etam, iran na tama Samsin wẹẹ, “Wẹ ma rẹn ighẹ emwa Filistia ọ re ọ kha yan ima. Vbu a ghi na yin ghe ima vbenian hẹ yi?” Rẹn keghi wanniẹn wẹẹ, “Vbene iran ru mwẹ zẹẹ ọ re I vbe ru iran.”

Giọgis 15:7

E Samsin keghi tama iran wẹẹ, “I i, erriọ uwa ye ra? U gha miẹn i ghe I gha kuẹtin vbe ẹ i re te I vbe ru uwa ẹre nẹ.”

Giọgis 15:9

Ivbi e Filistia keghi do bu agọ ye Juda, iran na gha gu ẹvbo ne a tie ẹre Lẹhi khọn.