Giọgis 15:6 - Edo Bible (E Baibol Ẹdo) Version 1996

⁶ Avbe emwa Filistia keghi nọ wẹẹ, “Gha ọ ru emwi na?” Iran keghi họn wẹ e Samsin ọ re ọ ru ẹe rhunmwuda orruan rẹn ọmwa Timna ne ọ miẹn Samsin amwẹ, ọ na rhie ne ọse ẹre. Ẹre emwa Filistia na gha khian, iran na ya giẹn okhuo nii uan, iran na vbe giẹn owa erha ẹe muotọ.

Giọgis 15:6 ပူးပေါင်းရင်းမြစ်များ

Itan 22:8

U gha gbọ inian a i ta ẹmwata, ọfuan ọ re ọ ra yuo ladian vbọ, ufomwẹ ọghe ne u na zẹ emwa kpokpo ghi rrie.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

Giọgis 12:1

A keghi tie ivbi Ifreim ladian, I iran na fian Ẹzẹ Jọdan rra la Zafọn, iran na tama Jẹfta wẹẹ, “Vbe u a na rhie gberra ya khọn ivbi Amọn hẹ yi vbe ne u ma na tie ima? Te ima ra giẹn owa na yan ruẹn uhunmwu!”

Giọgis 14:15

Ọ ghi sẹ ikpẹdẹ ne ogienẹ, iran keghi tama amwẹ Samsin wẹẹ, “Rẹrẹ ọdafẹn ọn, ne ọ tama ima emwi ne a ya ibo ẹre kha. A deghẹ u ma ru vberriọ, ma gha mu erhẹn ye owa erha a, ma ghi giẹn ruẹn uan ye uwu ẹre. Te uwa eva tie ima sẹ owa ne uwa miẹn ehe na rha ima ra ẹ i re erriọ?”

Giọgis 15:5

Ọ keghi rhu avbe ukpekhọe nii, ọ na zẹ iran obọ la uwu oha ọka ọghe emwa Filistia. Ọ keghi wa giẹn ehia a, ẹ i re avbiẹ ọka ne a fian nẹ ọkpa, do sẹ egbe ne a ma he fian ni rre ugbo. Ugbo emwiokọ oliv kevbe giẹn uan ba ẹre.

Giọgis 15:7

E Samsin keghi tama iran wẹẹ, “I i, erriọ uwa ye ra? U gha miẹn i ghe I gha kuẹtin vbe ẹ i re te I vbe ru uwa ẹre nẹ.”