Giọgis 15:5 - Edo Bible (E Baibol Ẹdo) Version 1996

⁵ Ọ keghi rhu avbe ukpekhọe nii, ọ na zẹ iran obọ la uwu oha ọka ọghe emwa Filistia. Ọ keghi wa giẹn ehia a, ẹ i re avbiẹ ọka ne a fian nẹ ọkpa, do sẹ egbe ne a ma he fian ni rre ugbo. Ugbo emwiokọ oliv kevbe giẹn uan ba ẹre.

Giọgis 15:5 ပူးပေါင်းရင်းမြစ်များ

II Samuẹl 14:30

Rhunmwuda ọnii, ọ keghi tama avbe eguọmwadia ẹre wẹẹ, “Ghe, ugbo e Joab ọre ọ diake ọghomwẹ, ọka wa vbe zọ vbọ. Wa ya mu erhẹn yọ.” Iran na gele ya mu erhẹn ye ugbo nii.

Ẹksọdọs 22:6

Ọmwa gha hie erhẹn, ọ na la uwu irunmwu, ọ na giẹn ọka ne ọ sẹ dee ra ọka na ma he fian ra ugbo emwiokọ, ọmwa ne ọ hie erhẹn nii ghi ha osa emwi ne ọ rhiaraa.

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Giọgis 15:4

Ọre ọ na ya munọ umuọkhọkhọ iyisẹn eha. Ọ kegha munọ ẹre eva uhukpa, ọ keghi gbalọ iran ẹrhunrhun kugbe, ọ na gbalọ ukpekhọe mu dọmwadẹ eva nii.

Giọgis 15:6

Avbe emwa Filistia keghi nọ wẹẹ, “Gha ọ ru emwi na?” Iran keghi họn wẹ e Samsin ọ re ọ ru ẹe rhunmwuda orruan rẹn ọmwa Timna ne ọ miẹn Samsin amwẹ, ọ na rhie ne ọse ẹre. Ẹre emwa Filistia na gha khian, iran na ya giẹn okhuo nii uan, iran na vbe giẹn owa erha ẹe muotọ.