Giọgis 15:14 - Edo Bible (E Baibol Ẹdo) Version 1996

¹⁴ Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.

Giọgis 15:14 ပူးပေါင်းရင်းမြစ်များ

Job 20:5

a ma he miẹn ọmwa dan ọkpa ne egbe rọkhọe kpee vbotọ.

Psalm 118:11

Te iran te lẹ khin khian mwẹ; sokpan, I ye ẹtin e Nọyaẹnmwa fuẹn iran hia a!

Psalm 18:34

Ọ ma mwẹ vbene a khọn okuo hẹ sẹrriọ ne I na sẹtin lo uhanbọ ne ọ wegbe sẹẹ.

Ẹksọdọs 14:3

Ọba Igipt gha vbe ro wẹẹ, ‘Ivbi Izrẹl gha lẹga vbe uwu oha, ato degbe iran odẹ.’

Ẹksọdọs 14:5

Ugbẹn vbe a ghi khama ọba Igipt wẹ emwa nii lẹ kua, ke irẹn kevbe avbe ekhaẹmwẹ ọnrẹn keghi fi ekhọe werriẹ vbe ekpa iran, iran keghi kha wẹẹ, “Vbe ọna khun emwi ne ima ru na yi? Ma gie ivbi Izrẹl lẹ kua hin ehe ọviẹn ne iran ye ne ima rre!”

Maika 7:8

Emwi ne ọ gha zẹ ne eghian mwa gha na gha gbe ọvẹ yan mwa i rrọọ. Ma dele nẹ, sokpan, ma gha vbe kpaegbe. Uwu ebiebi ma ye na, sokpan Osanobua gha rhie uwanmwẹ ne ima.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

Giọgis 14:6

Sokpan orhiọn e Nọyaẹnmwa keghi rhie ẹtin ye Samsin iwu. Rẹn keghi ye obọ kẹkan yanghan ovbi oduma nii ye eva vbe ne a miẹn wẹ ovbi ẹwe nọ. Sokpan, ọ ma ta emwi ne irẹn ru ma erha ẹe ra iye ẹe.

Giọgis 15:13

Iran keghi wanniẹn wẹẹ, “Ẹn o, te ima ra gba a kẹkan ne ima mu ẹẹn ne iran. Ma i gbe ua.” Ẹre iran na ya irri ọgbọn eva gba ẹe, iran na mu ẹẹn ke ukpẹ oke ni gha dee.

Giọgis 15:9

Ivbi e Filistia keghi do bu agọ ye Juda, iran na gha gu ẹvbo ne a tie ẹre Lẹhi khọn.

Giọgis 16:12

Ẹre Delila na viọ irri ọgbọn, ọ na ya ẹe gba ẹe. Rẹn keghi datu wẹ e, “Samsin ivbi e Filistia dee!” Avbe emwa nii keghi mudia vbe ughugha ọvbehe. Sokpan, rẹn keghi giagia avbe irri nii, hin obọ ẹre rre vbe oru.

Giọgis 16:24

Emwa nii ghi miẹn ọẹn, ira kegha rho ẹbọ iran wẹẹ, “Ẹbọ ima rhie akhọnmiotọ ne ima nẹ vbe uhunmwu eghian mwa ne ọ duẹ otọe ima an, ọ na gbele emwa nii bun vbe uwu ima!” Iran keghi ghọghọ, iran na kha wẹẹ, “Wa tie Samsin rre ne ima ya ẹe gbe ogiẹ.” Iran ghi mu e Samsin ke uwu ẹwẹdọ ladian, iran keghi ya ẹe gha gbe ogiẹ, iran na rhie ẹre mudia ye ẹkpo orre nekhua eva.

Giọgis 16:9

Ọ na viọ emwa eso lẹre ye ughugha ọvbehe vbe ọkpẹn evba, rhunmwuda ọnii, okhuo nii keghi datu wẹẹ, “E Samsin! Ivbi e Filistia dee!” Sokpan rẹn keghi giagia irri uhanbọ nii kua zẹ vbe oru vbe erhẹn a dekan rẹn. Rhunmwuda ọnii, iran ma ye rẹn otọe ehe ne ẹtin ẹnrẹn ye.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

Giọgis 5:30

‘Ọvbokhunvbi ọkpa ra eva ne ovbiyokuo ọkpọkpa. Ukpon ighobioye ọghe Siseria, emwi ne a do mose mose ne urhu ọbokhuo.’

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 11:6

E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi mu ẹẹn.

I Samuẹl 17:35

I ghi lele ẹe, I ghi dekun ẹnrẹn, I ghi wọlọ ovbi ohuan hin ẹre unu rre. a deghẹ nene oduma ra akpakomiza ghi mu igbinna gun mwẹ, I ghi gba ẹre ẹho mwẹ, I ghi gbe ẹe rua.

I Samuẹl 4:5

Ugbẹn vbe ẹkpẹti Ile nii ghi wa rre, ivbi Izrẹl keghi wa mu wee sẹrriọ wẹ otọe keghi mu rueghe.