Giọgis 15:11 - Edo Bible (E Baibol Ẹdo) Version 1996

¹¹ Ẹre arhin arriaisẹn eha na gha rrie uvun okuta ne ọ rre ukpẹ oke Etam, iran na tama Samsin wẹẹ, “Wẹ ma rẹn ighẹ emwa Filistia ọ re ọ kha yan ima. Vbu a ghi na yin ghe ima vbenian hẹ yi?” Rẹn keghi wanniẹn wẹẹ, “Vbene iran ru mwẹ zẹẹ ọ re I vbe ru iran.”

Giọgis 15:11 ပူးပေါင်းရင်းမြစ်များ

I Krọnikol 4:3

Họ ọrọre ọmọdiọn ne okpia ọghe Efrat ne amwẹ Kelẹb ne erha ẹe. Ivbi uniẹn ọnrẹn ọ re ọ bu ẹvbo ne a tie ẹre Bẹtlẹhẹm. E Họ keghi biẹlẹ emọ ikpia eha, ena ọ re Etam, Pẹnuẹl kevbe Ezẹ. Etam kevbe gha mwẹ emọ ikpia eha, ena ọ re Jezrẹl, Isma kevbe Idbas, kevbe ọmọ okhuo ọkpa ne a tie ẹre Hazelelponi. E Pẹnuẹl ọ re ọ bu ẹvbo ne a tie ẹre Gẹdọ, Ezẹ keghi bu ne a tie ẹre Husia.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Diuteronomi 28:13

“E Nọyaẹnmwa ne Osanobua rua gha ya uwa ru ọkaolotu vbe ẹbu avbe okpẹvbo ighẹ ẹ i re ne ọ lele ọmwa iyeke, te uwa khian gha maa ẹghẹ hia, wa i ra vbe gbekuẹn, a deghẹ wa ye ẹkoata gha ru zẹ vbene uhi ẹre ne I rhie ne uwa ẹrẹna khare.

Diuteronomi 28:43

“Avbe erhunmwuyẹn ni rre uwa ẹvbo ghi gha hiẹn yọ ẹdẹgbegbe sokpan wa ghi gha ru ghe iyeke.

Giọgis 13:1

Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.

Giọgis 14:4

Erha ẹe vbe iye ẹe ma rẹn wẹ e Nọyaẹnmwa ọ re ọ ya e Samsin ru emwi na rhunmwuda e Nọyaẹnmwa gualọ odẹ ne ọ gha na gu emwa Filistia khọn. Vbe ẹghẹ ne a kha na, emwa Filistia ọ re ọ gha kha yan ivbie Izrẹl.

Giọgis 15:10

Emwa e Juda keghi nọ iran wẹẹ, “De emwi ne uwa gu ima khọn baa?” Iran keghi wanniẹn wẹẹ, “Te ima do mu e Samsin oghunmwu, ne ima vbe ya ru ẹe vbene irẹn ru ima.”

Giọgis 15:12

Iran keghi tama rẹn wẹẹ, “Te ima rre na ne ima do gba a ne ima miẹn ehe na mu ẹẹn gie iran.” E Samsin keghi kha wẹẹ, “Wa yan ma mwẹ wẹ wa i ra tobọ uwa gbe mwẹ uan.”