Giọgis 14:6 - Edo Bible (E Baibol Ẹdo) Version 1996

⁶ Sokpan orhiọn e Nọyaẹnmwa keghi rhie ẹtin ye Samsin iwu. Rẹn keghi ye obọ kẹkan yanghan ovbi oduma nii ye eva vbe ne a miẹn wẹ ovbi ẹwe nọ. Sokpan, ọ ma ta emwi ne irẹn ru ma erha ẹe ra iye ẹe.

Giọgis 14:6 ပူးပေါင်းရင်းမြစ်များ

Psalm 91:13

Wẹ gha ye owẹ rrilo oduma kevbe ẹyẹn ginna otọ oduma ni khọ, kevbe ẹyẹn ni mwẹ obi.

Aizaia 42:2

Rẹn i ra go ra ne ọ tọn urhu mu ra ne ọ gha vannọ guan vbe adesẹ ore.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

Giọgis 11:29

Ẹre orhiọn e Nọyaẹnmwa na hin yan Jẹfta. Ọ keghi la Giliad ya sẹ Manasẹ, ọ na vbe werriegbe gha die Mizpa, vbe Giliad. Ọ na ke evba gha rrie Amọn.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

Giọgis 14:5

Ẹre Samsin na gha rrie Timna ke irẹn kevbe erha ẹe kevbe iye ẹe. Ugbẹn vbe iran ghi sikẹ ọkpẹn ogba erhan ne a ye ọmọ rẹn ru ayọn ne ọ baa, ọ keghi họn vbe ovbi oduma ọkpa gbọ ẹre.

Giọgis 14:7

Rẹn keghi gha khian ya gu ọmọ okhuo nii guan, ẹmwẹ ọnrẹn keghi ye ọre.

Giọgis 15:15

Rẹn ghi ghe ghe ugboloko agbanmwẹ ekẹtẹkẹtẹ, ọ na gua ẹe rhie ọ na ya ẹe gbele arhin arriaisẹn (1,000).

Giọgis 15:8

Ọ keghi dekun iran ọghe ọhanabe, ọ na gbele ni bun vbe uwu iran, Ẹre ọ na kpao, ọ na ya di uvun okuta ne ọ rre ukpẹ oke Etam ya.

Giọgis 16:30

Ọ na datu wẹẹ, “Gie imẹ vbe emwa Filistia gba wulo!” Ọ keghi ya ẹtin ẹnrẹn hia si ẹe guọnmwẹ, owa keghi derhu avbe ọkaolotu isẹn nii kevbe emwa ọvbehe hia, emwa ne ọ gbele vbe ẹghẹ uwu ẹre keghi bun sẹ iran ne ọ gbele vbe ẹghẹ ne ọ na rre agbọn.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

I Samuẹl 10:16

E Sọl keghi wanniẹn wẹẹ, “Ọ tama ima ighẹ a miẹn avbe emwirri nii nẹ.” Sokpan ọ ma tama ovbiye erha ẹe ni wẹ Samuẹl tama rẹn wẹ rẹn gha rriọba.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 11:6

E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi mu ẹẹn.

I Samuẹl 14:1

Ọ ghi sẹ ẹdẹ ọkpa, e Jonatan keghi tama igbama ne ọ hẹ emwi igbinna mwẹ ọnrẹn wẹẹ, “Gie ima fian ẹẹn rra gha rrie agọ ivbi e Filistin.” Sokpan, e Jonatan ma tama erhae ighẹ Sọl.

I Samuẹl 17:46

E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.