Giọgis 14:4 - Edo Bible (E Baibol Ẹdo) Version 1996

⁴ Erha ẹe vbe iye ẹe ma rẹn wẹ e Nọyaẹnmwa ọ re ọ ya e Samsin ru emwi na rhunmwuda e Nọyaẹnmwa gualọ odẹ ne ọ gha na gu emwa Filistia khọn. Vbe ẹghẹ ne a kha na, emwa Filistia ọ re ọ gha kha yan ivbie Izrẹl.

Giọgis 14:4 ပူးပေါင်းရင်းမြစ်များ

I Ọba 12:15

Vbe ẹmwata, e Nọyaẹnmwa ọ re ọ ru ẹe ne ọ ma na danmwehọ iran, ne ọ miẹn ehe na sẹ ighẹ eyan ne ọ la unu Ahija ne akhasẹ ne ovbi e Silo yan ma e Jeroboam.

I Ọba 12:24

e Nọyaẹnmwa khare wẹẹ, “Wa ghẹ gu etẹn uwa ne ivbi Izrẹl gbinna. Dọmwadẹ ọghọe gha rrie owa rhunmwuda emwi ne ọ sunu na, obọ mwẹ ọ re ọ ke rre.” Iran hia keghi họn ẹmwẹ e Nọyaẹnmwa, iran na werriegbe gha rrie owa.

II Ọba 6:33

Uhin ighẹ te ọ he ye guan vbe ọba rre, ọ keghi kha wẹẹ, “E Nọyaẹnmwa ọ re ọ si ọlọghọmwa na ye ima egbe vbọzẹ ne I gha na ye mudia wẹ ne ọ ru emwi rhọkpa?”

II Krọnikol 10:15

Ihọ ọghe Nọyaẹnmwa Osanobua nọ ne ọ mu ẹẹn sẹ ighẹ ẹmwẹ ne ọ la unu Ahija ne akhasẹ, ovbi e Silo tama e Jeroboam ne ovbi e Nebat. Onii ọ si ẹe ne ọba ma na zẹ ye emwa ni re.

II Krọnikol 22:7

Otuẹ ne a mu gie Joram na ọre Osanobua rhie obọ lele rrua Ahazaia gbe otọ. Ugbẹn vbe Ahazaia ghi rre evba, ọkpia ne a tie ẹre Jehu ne ovbi e Nimsi keghi mu aro igbinna da Joram, ọmwa na ọ re Nọyaẹnmwa gie ne ọ fuẹn ivbi uniẹn Ehab ua.

II Krọnikol 25:20

Sokpan, Amezaia, ma zẹyọ. Iho ọghe Osanobua nọ wẹ ne a khọn Amezaia muotọ, rhunmwuda ne ọ na gha gho avbe ẹbọ Idọm.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Daniẹl 6:4

Rhunmwuda ọnii, avbe iran ni su ẹvbo nekpa kevbe avbe gọvina kegha gualọ ehe ne iran gha na miẹn abakuru vbe odẹ ne Daniẹl ya gbearoghe otọe arriọba nii sokpan iran ma miẹn, rhunmwuda, ọmwa ne ọ gie a mu ẹtin yan ọ re Daniẹl khin, ọ ma vbe ru emwi ne ọ ma gba ọghe ogberhu.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Giọgis 13:1

Ivbi Izrẹl keghi dọlegbe rukhọ ghe e Nọyaẹnmwa, rẹn na gie emwa e Filistia gha kha yan iran la ukpo iyeva.

Giọgis 14:5

Ẹre Samsin na gha rrie Timna ke irẹn kevbe erha ẹe kevbe iye ẹe. Ugbẹn vbe iran ghi sikẹ ọkpẹn ogba erhan ne a ye ọmọ rẹn ru ayọn ne ọ baa, ọ keghi họn vbe ovbi oduma ọkpa gbọ ẹre.

Giọgis 15:11

Ẹre arhin arriaisẹn eha na gha rrie uvun okuta ne ọ rre ukpẹ oke Etam, iran na tama Samsin wẹẹ, “Wẹ ma rẹn ighẹ emwa Filistia ọ re ọ kha yan ima. Vbu a ghi na yin ghe ima vbenian hẹ yi?” Rẹn keghi wanniẹn wẹẹ, “Vbene iran ru mwẹ zẹẹ ọ re I vbe ru iran.”

Giọgis 15:3

E Samsin keghi kha wẹẹ, “A i ghi miẹn mwẹ kpe ye emwi ne I rhirhi ru ivbi e Filistia ẹre nian.”