Giọgis 14:12 - Edo Bible (E Baibol Ẹdo) Version 1996

^12-13 E Samsin keghi tama iran wẹẹ, “I ra mu ibo ọkpa ne uwa san. Wa i ra sẹtin san rẹn ikpẹdẹ ihinrọn ọghe iruemwi na te do gberra sokpan deghẹ wa sẹtin, I gha viọ ukhiọnfọ eto ovbiohuẹ ọgban ne mose mose kevbe ẹwu ne mose mose ughughan ọgban ne uwa.” Iran keghi tama rẹn, “Ta ibo ruẹ ma ima, gie ima họn ẹn.”

Giọgis 14:12 ပူးပေါင်းရင်းမြစ်များ

Gẹnẹsis 45:22

Ọ kevbe viọ ukpọn ne iran gha ya fi ni rre iran ẹkun werriẹ ne iran, sokpan ọ keghi viọ agiẹghẹ esiliva iyisẹn yan uri (300) ne Bẹnjamin kevbe ẹwu ughughan isẹn.

I Ọba 10:1

Ọba okhuo e Siẹba keghi họn otiti e Solomọn, ọ na gha rrie Jerusalẹm ne ọ mu ibo gie ẹe san.

II Ọba 5:22

E Gehazi keghi wanniẹn wẹẹ, “Ẹn, sokpan, arowa mwẹ ọ re ọ gie mwẹ ne I do khama ruẹn wẹẹ, ‘Eva vbe uwu ivbi otu akhasẹ ni rre odẹ ekẹn Ifreim rre do tuẹ irẹn, ọ wẹ ne u viọ ikpẹ esiliva arriaisẹn eha kevbe ukpọn nọ mose ughughan eva gie iran.’ ”

II Ọba 5:5

Ọba keghi kha wẹẹ, “Miẹn ebe na rhie gie ọba Izrẹl.” E Naaman keghi deyan okhian, ọ na viọ esiliva arriaisẹn ọgban (30,000) ikpẹ igoru arriaisẹn ehan (6,000) kevbe aro ughughan ukpọn nọ mose igbe.

II Krọnikol 7:8

E Solomọn kevbe ivbi Izrẹl hia keghi ya ikpẹdẹ ihinrọn ru emwiukpo Irhu, ẹvbo ọrhẹnrhẹn keghi rre, uhin ya sẹ Ada e Hamat ne ọ wa rrei ẹsẹse vbe odẹ okuọ, ke odẹ ekẹn ọghe uwu Igipt.

Psalm 49:4

I gha mu aro ye ẹmwẹ itan, I ghi vbe gha rhan otọ iran vbe uwu ne I na kpe akpata nii.

Itan 1:6

Vbene a gha na miẹn wẹ iran ghi sẹtin gha rẹn ẹmwẹ ni dinmwi ne a ya itan ta, kevbe avbe ọta ni lọghọ ne avbe umẹwaẹn nọ.

Itan 31:24

Ọ gha do avbe ukpọn kevbe ọza, ọ ghi khiẹnnẹ ọẹn ne avbe ekpatẹ.

Ezikiẹl 17:2

“Ovbi ọmwa, kpa itan okpa ma ivbi Izrẹl.

Ezikiẹl 20:49

Sokpan, mẹ keghi wẹ, ẹn o “E Nọyaẹnmwa, ghẹ gie mwẹ ne I ya ru ẹe, emwa hia tae khian nẹ wẹ itan itan ọ re I ya guan.”

Matiu 13:13

Ọna ọ zẹẹ ne I na ya itan gu iran guan. Rhunmwuda, iran rhan aro rua ye otọ gha ghe emwi, sokpan iran i bẹghe ẹre. Iran ghi rhie ehọ ye otọ, sokpan iran i họn ra ne iran rẹn otọ ẹmwẹ nii.

Matiu 13:34

Itan ọre Jesu ya gu emwa guan avbe ẹmwẹ na hia, ẹ i vbe ta ẹmwẹ ọkpa ma iran vbe ẹ i re itan ọre ọ kpa ya tae.

Matiu 27:28

Iran keghi kie ẹre ẹwu ẹre, iran na mu ẹwu ododo yọ ẹe.

Matiu 6:19

“Wa ghẹ si ẹfe koko ye agbọn na ne egbe ruẹ, ehe ne ọkhọe kevbe ọtọn na sẹtin rhia rua, ehe ne avbe oyi na gbe urho ya gha rhaa.

Iyẹn ne ọ Maan Ọghe Luk 14:7

Jesu ghi ghe vbene emwa ne a tie re sinmwi egbe ye ehe ne ọ maa sẹ hẹẹ, ọ keghi kpa itan na ma iran,

Iyẹn ne ọ Maan Ọghe Jọn 16:29

Avbe erhuanegbe ẹre wanniẹn tama rẹn wẹẹ, “Eban ọre u ghi gbe ẹmwẹ ẹho rua ma ima, ẹ i ghi re ne u na te ya itan guan.

I Kọrinti 13:12

Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.

Jems 5:2

Ẹfe ne uwa fe hia kẹkẹ ua nẹ, arriukpa vbe rri ukpọn uwa hia fo.

Giọgis 14:11

Emwa Filistia ghi miẹn ọẹn, iran na viọ igbama ọgban ne iran do gu ẹe tota.