Giọgis 14:1 - Edo Bible (E Baibol Ẹdo) Version 1996

¹ Ẹdẹ ọkpa, e Samsin keghi yo e Timna, ọ keghi ye aro ba ọmọ okhuo e Filistia ọkpa vbe evba.

Giọgis 14:1 ပူးပေါင်းရင်းမြစ်များ

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

Job 31:1

“Te I wa mobọ yan rẹn, ne I ghẹ ghe ọmọ okhuo ne a ro mwẹ viẹn yọ.

Psalm 119:37

Rhie mwẹ aro hin emwi oya rre, gha ru mwẹ ẹse vbene u yan rẹn.

Jọsua 15:10

Evba ọ ghi kevbe ya lẹga odẹ orrie ọghe Baala la ghe odẹ Oke Sẹa, ọ na vbe la odẹ okuọ ọghe oke Giearim (ra Kiesalon) vbe la ghe otọ gha rrie Bẹt Siemẹs gha khian ya gberra Timna.

Jọsua 19:43

Ẹlọn, Timna, Ẹkrọn,

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 14:2

Rẹn keghi dọlegbe gha rrie owa, ọ na tama erha ẹe kevbe iye ẹe wẹẹ, “I ye aro ba ọmọ okhuo e Filistia ọkpa vbe Timna, wa rhie ẹre mẹ, I ho ne I rhie ẹre rọnmwẹ.”

Giọgis 16:1

Ẹdẹ ikẹtin e Samsin keghi ke evba kpao gha rrie Gaza, ọ keghi miẹn ebabotu ọkpa vbe evba, ọ na gu ẹe ru emwi ọdọ vbe amwẹ.