Giọgis 13:8 - Edo Bible (E Baibol Ẹdo) Version 1996

⁸ Ẹre Manoa na na erhunmwu ghe Nọyaẹnmwa wẹẹ, “Nọyaẹnmwa lahọ, gie ọmwa Osanobua ne u gie rre dọlegbe gha dee ne ọ do tama mwa vbene a gha ru ọmọ nii hẹ vbe a gha biẹ ọe.”

Giọgis 13:8 ပူးပေါင်းရင်းမြစ်များ

Job 34:32

U nọ Osanobua nẹ ra ne ọ rhie abakuru ruẹ ma ruẹn? U vbe kue nẹ ra ne u dobọ emwi dan ne a ru yi?

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Giọgis 13:11

E Manoa keghi guakpao, ọ na lele amwẹ ọnrẹn. Ọ keghi bu okpia nii gha khian, ọ nọ rẹn wẹẹ, “Wẹ ọ re ọ gu ọvbokhan mwẹ guan ẹdẹ rriọ ra?” Rẹn wanniẹn wẹẹ, “Ẹn.”

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

Giọgis 13:6

Okhuo nii keghi kpao, ọ na ya tama ọdafẹn ọnrẹn, ọ wẹẹ, “Ọmwa Osanobua ọkpa bu mwẹ gha dee, ọ wa mu ohan zẹ vbe odibo Osanobua vbe a gha ghe ẹre. I ma nọ rẹn ehe ne ọ ke rre, ọ ma vbe ta eni ẹnrẹn ma mwẹ.

Giọgis 13:7

Sokpan, rẹn tama mwẹ wẹ I gha hanmwa, I ghi vbe biẹ ọmọ okpia. Ọ tama mwẹ wẹ ne I ghẹ da ayọn ra ayọn ne ọ wegbe, ra ne I rri evbare ne a wua, rhunmwuda, ọmọ nii, te a ra ya ẹe fi ohan ne Nọyaẹnmwa zẹ vbe e Agbihiagha vbe ẹdẹ agbọn rẹn hia.”

Giọgis 13:9

Osanobua keghi ru vbene Manoa nọ rẹn, odibo ẹre keghi dọlegbe bu okhuo ni rre vbe ọ tota vbe uwu oha. E Manoa ne ọdọ ẹre i rre evba.