Giọgis 13:6 - Edo Bible (E Baibol Ẹdo) Version 1996

⁶ Okhuo nii keghi kpao, ọ na ya tama ọdafẹn ọnrẹn, ọ wẹẹ, “Ọmwa Osanobua ọkpa bu mwẹ gha dee, ọ wa mu ohan zẹ vbe odibo Osanobua vbe a gha ghe ẹre. I ma nọ rẹn ehe ne ọ ke rre, ọ ma vbe ta eni ẹnrẹn ma mwẹ.

Giọgis 13:6 ပူးပေါင်းရင်းမြစ်များ

Gẹnẹsis 18:2

ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

Gẹnẹsis 32:29

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

I Ọba 17:24

Okhuo nii keghi wanniẹn wẹẹ, “Eban nian, I rẹnrẹn ighẹ ọmwa Osanobua ọ re u gele khin, kevbe wẹ Osanobua gele giọ uhunmwu vbe ne ẹmwata!”

II Ọba 4:16

Elaisia na tama okhuo nii wẹẹ, “Vbe ẹghẹ na ukpo ne ọ dee, u gha mu ọmọ okpia mwẹ obọ.” Okhuo nii keghi datu wẹẹ, “A a, ghẹ ta ohoghe ma mwẹ, ọmwa Osanobua ọre u khin!”

II Ọba 4:9

Okhuo nii keghi tama ọdọ ẹre wẹẹ, “Mẹ yayi wẹ okpia na ne ọ rri emwa vbe ẹghẹ hia na; ọmwa ne ọ huanrẹn ẹre nọ.

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Daniẹl 10:11

Odibosa keghi tama mwẹ wẹẹ, “E Daniẹl, Osanobua ho ẹmwẹ ruẹn, kpaegbe, gbe ehọ kotọ danmwehọ ẹmwẹ ne I ra tama ruẹn, te a gie mwẹ bu ruẹ gha dee.” Ọ ghi ta ẹmwẹ na nẹ, I keghi kpaegbe mudia, sokpan, I keghi ye gha guọ kpẹkpẹkpẹ.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Iyẹn ne ọ Maan Ọghe Luk 1:19

Odibosa nii wanniẹn tama rẹn wẹẹ, “Mẹ ọrọre Gebriẹl, odaro Osanobua ọre I mudia yi, rẹn ọre ọ gie mwẹ ne I do na iyẹn oghọghọ na ma ruẹn.

Iyẹn ne ọ Maan Ọghe Luk 9:29

Zẹ vbene ọ wa na erhunmwu ni, ugbaro ẹre keghi fiwerriẹ, ukpọn rẹn kegha fuọfua nẹ i gie a ghe.

Iwinna 6:15

Emwa ni rre Iko ni hia ke wa tọn aro ye Stivin egbe, iran keghi miẹn wẹ, ugbaro ẹre wa yevbe ugbaro odibosa.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Giọgis 13:10

Rẹn keghi rhunmwuda onii rhie ulẹ ya tama odọ ẹre wẹẹ, “Do ghe! Ọmwa ne ọ ka bu mwẹ rre ẹdẹ rriọ vbe dọlegbe bu mwẹ rre.”

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

Giọgis 13:7

Sokpan, rẹn tama mwẹ wẹ I gha hanmwa, I ghi vbe biẹ ọmọ okpia. Ọ tama mwẹ wẹ ne I ghẹ da ayọn ra ayọn ne ọ wegbe, ra ne I rri evbare ne a wua, rhunmwuda, ọmọ nii, te a ra ya ẹe fi ohan ne Nọyaẹnmwa zẹ vbe e Agbihiagha vbe ẹdẹ agbọn rẹn hia.”

Giọgis 13:8

Ẹre Manoa na na erhunmwu ghe Nọyaẹnmwa wẹẹ, “Nọyaẹnmwa lahọ, gie ọmwa Osanobua ne u gie rre dọlegbe gha dee ne ọ do tama mwa vbene a gha ru ọmọ nii hẹ vbe a gha biẹ ọe.”

Giọgis 6:11

Ẹre odibo e Nọyaẹnmwa na do tota ye ototọ okan ne ọ rre igue ne a tie ẹre Ọfra ne ọ re ọghe Joas ne ovbi ẹwae Abiẹzẹ. Ovbi ẹre ighẹ Gidiọn kegha hẹko do khuọn ọka vbe okọ ne a na minọ ayọn ne emwa Midian i ghẹ bẹghe ẹre.

I Samuẹl 2:27

Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.

I Samuẹl 9:6

Ọkpọmwa nii keghi wanniẹn wẹẹ, “Mudia nẹ o! Okpia nọwanrẹn ọkpa rre ẹvbo na, te emwa hia wa ya ọghọ ne ẹẹn, rhunmwuda, ẹmwẹ ne ọ rhirhi ta, te ọ gha sunu. Gie ima bu ẹre, u gha ghe, ọ gha sẹtin tama ima ehe ne ima gha na miẹn ẹsin na.”