Giọgis 13:5 - Edo Bible (E Baibol Ẹdo) Version 1996

⁵ Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”

Giọgis 13:5 ပူးပေါင်းရင်းမြစ်များ

II Samuẹl 8:1

Ọ ghi kpẹe fua kherhe, e Devid keghi khọnmiotọ vbe uhunmwu ivbi e Filistin, ọ deyan iran, ọ na rhie iran obọ hin ẹmwẹ otọe nii ne iran kha yan rre.

I Krọnikol 18:1

Ọ ghi kpee fua kherhe, e Devid ne ọba keghi dọlegbe mu okuo gie ivbi e Filistin, ọ na khọn miẹn iran otọ. Ọ keghi mu e Gat kevbe igue ni lẹga ẹre hin ototọ ase iran rre.

Emọs 2:11

I hannọ eso vbe ivbi uwa zẹ, ne iran gha re akhasẹ, kevbe eso vbe avbe igbama uwa, ne iran do gha re Nazarait. Ohoghe nọ ra ivbi Izrẹl? Mẹ ne Nọyaẹnmwa guan nẹ.

Nọmbas 6:5

“Vbe ẹghẹ ne a na miẹn wẹẹ uwu eyan Agbihiagha ọ re ọ ye, wẹ ne ọ ghẹ gbe eto ra ne ọ zẹ ẹtu. Eyan Agbihiagha ne ọ ru nii ye muẹn la inu ẹghẹ ne a ya ẹe fi ohan ne Nọyaẹnmwa la, ọ ghi gie eto kevbe ẹtu ẹre gha sọn.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Giọgis 16:17

Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 7:13

Erriọ iran na khọn e Filistin muotọ, e Nọyaẹnmwa ma ghi rhie ẹghẹ ne iran ya dọlegbe mu okuo la otọe Izrẹl vbe ẹghẹ ne Samuẹl ya ẹe vbe agbọn.