Giọgis 13:24 - Edo Bible (E Baibol Ẹdo) Version 1996

²⁴ Okhuo nii keghi biẹ ọmọ okpia, ọ na gha tie ẹre Samsin. Ọmọ nii keghi wan, e Nọyaẹnmwa na fiangbe ẹe.

Giọgis 13:24 ပူးပေါင်းရင်းမြစ်များ

Iyẹn ne ọ Maan Ọghe Luk 1:80

Ọmọ nii keghi gha wan yiọ vbe egbe kevbe orhiọn, ọ na gha rre uwu ato, ọ te do sẹ ẹghẹ ne ọ gha na ye egbe ne ivbi Izrẹl miẹn vbe azagba.

Iyẹn ne ọ Maan Ọghe Luk 2:52

Jesu kegha wan vbe ikinnegbe kevbe ẹwaẹn, ẹmwẹ ọnrẹn kegha yẹ Osanobua kevbe emwa ne agbọn.

Hibru 11:32

Ne I ye gha kọ ẹre khian ra? Ẹghẹ i ghi sẹ mwẹ ya kpa itan ọghe Gidiọn, Barak, Samsin, Jẹfta, Devid, Samuẹl kevbe avbe akhasẹ.

I Samuẹl 2:21

E Nọyaẹnmwa keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmọ okpia nii ighẹ Samuẹl keghi wan vbe uwu ugamwẹ e Nọyaẹnmwa.

I Samuẹl 2:26

Ẹre ọmọ okpia nii ighẹ e Samuẹl na gha wan yọ, aro ne ọ maa ọghe Nọyaẹnmwa kevbe emwa nagbọn, kegha rre ọre egbe.

I Samuẹl 3:19

E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.