Giọgis 13:20 - Edo Bible (E Baibol Ẹdo) Version 1996

^20-21 Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.

Giọgis 13:20 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

II Ọba 2:11

Vbene iran khian nii, iran kegha guan khian, vbe udomwurri, ikẹkẹ okuo ne ẹsin erhẹn si khian keghi wa la ẹkpo iran, ẹhoho ẹziza keghi mu Elaija gha rrie ẹrinmwi.

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

I Krọnikol 21:21

Ọwarọkpa vbe Arauna ghi wa bẹghe vbe Devid ne Ọba dee, ọ keghi kpa vbe ehe ne ọ na khuọn ọka, ọ keghi vbokho egbe ẹre rre sẹ otọ vbene ugbaro ẹre na dekan otọ.

I Krọnikol 21:26

Ọ keghi gba aka ne Nọyaẹnmwa vbe evba ọ na zọ ese ne a giẹn uan kevbe isara ghe Nọyaẹnmwa vbe evba. Ọ keghi na erhunmwu e Nọyaẹnmwa na rhie ewanniẹn ne ẹẹn vbene ọ na gie erhẹn ke ẹrinmwi rre do giẹn izọ ese ne ọ rre aka nii.

Psalm 47:5

Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

Ezikiẹl 1:26

Ẹkete ne ọ yevbe ne a ye okuta ighobioye safaia ru kegha rre odukhunmwu emwi ne ọ yevbe ekharha ne a fi nii, emwi okpa ne ọ yevbe ọmwa nagbọn keghi tota yan ẹkete nii.

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Daniẹl 10:9

I ghi họn urhu na, I keghi de fianmwẹ otọ, I ma ghi rẹn emwi ne a ru, I keghi mu aro rhu otọ.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Matiu 17:6

Ugbẹn vbe avbe erhuanegbe họn urhu na, iran keghi runran, iran dele viọ aro rhu otọ.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Giọgis 6:19

Ọ re Gidiọn na la owa, ọ na ya le oteghe ẹwe, ọ na ye uwan irhuarhua ọkpa le ebrẹd ne a ma rhie eyist yi, Ọ kevbe viọ emiowo ni ye okhuae, ọ na mu uwọnmwẹ ne ọ rrọọ ye uwawa, ọ na viọ bu odibo e Nọyaẹnmwa nii gha die ototọ erhan okan nii, ọ na viọ ne ẹẹn.

Giọgis 6:21

Odibo e Nọyaẹnmwa ni keghi niẹn obọ ẹre ladian, ọ na ye ọkpọ ne ọ gu ẹe kan emiowo kevbe ebrẹd nii. Erhẹn keghi vẹn ke uwu okuta nii ladian, ọ na giẹn emiowo kevbe ebrẹd nii uan. Odibo nii keghi ru gbẹnnẹ.