Giọgis 13:14 - Edo Bible (E Baibol Ẹdo) Version 1996

¹⁴ Ọ ghẹ ye unu kan emwi kemwi ne ọ ke egbe erhan ne a ya ọmọ rẹn ru ayọn ne ọ baa rre, ọ ghe da ayọn ra ayọn ne ọ wegbe ra ne ọ rri evbare ne a wua. Ọ ghẹ mwẹ ọ ma ru emwi hia ne I tama rẹn.”

Giọgis 13:14 ပူးပေါင်းရင်းမြစ်များ

Jerimaia 35:6

Sokpan, iran keghi wanniẹn wẹẹ, “Ma i da ayọn. Erha ima odede ighe Jonadab ne ovbi e Rekab tama ima wẹ ke ima kevbe ivbi uniẹn ima, ne ọ gha da ayọn rhọkpa i rrọọ.

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Nọmbas 6:4

Vbe uwu ẹghẹ ne ọ gha ya gha re Agbihiagha, ọ ghẹ danmwẹ emwikemwi ne ọ ke egbe erhan ayọn nọbaa rre, ọ re ikpẹ ra ikpakpa erhan ayọn nọbaa nọ.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 15:14

Erriọ nọ, ose mwẹ wa khin deghẹ wa da uhi mwẹ yi.

Iyẹn ne ọ Maan Ọghe Jọn 2:5

Iye Jesu keghi tama avbe eguọmwadia wẹẹ, “Emwi ne ọ rhirhi wẹ ne uwa ru, wa ru ẹe.”

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

II Tẹsalonaika 3:4

Nọyaẹnmwa ne ọ gie ima ya uwa ye ẹro, aro ima da ẹe ighẹ vbene ima ta ma uwa ọre uwa ru, kevbe wẹ erriọ uwa khian vbe gha ru ẹe khian.

Giọgis 13:4

Gia miẹn i ghẹ u ma da ayọn rhọkpa ra ne u rri evbare ne a wua rhọkpa.

Giọgis 13:7

Sokpan, rẹn tama mwẹ wẹ I gha hanmwa, I ghi vbe biẹ ọmọ okpia. Ọ tama mwẹ wẹ ne I ghẹ da ayọn ra ayọn ne ọ wegbe, ra ne I rri evbare ne a wua, rhunmwuda, ọmọ nii, te a ra ya ẹe fi ohan ne Nọyaẹnmwa zẹ vbe e Agbihiagha vbe ẹdẹ agbọn rẹn hia.”