Giọgis 13:12 - Edo Bible (E Baibol Ẹdo) Version 1996

¹² Ẹre Manoa na kha wẹẹ, “Ẹn hẹn ẹmwẹ ne u ta ẹe gha ghi sẹ, vbe ọ kei ne ọmọ nii gha ru emwi hẹ? De emwi ne ọ gha ru?”

Giọgis 13:12 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Psalm 143:8

Gha ye mwẹ ẹre rre owiẹ owiẹ ighe ẹmwẹ ahoẹmwọmwa ruẹn ne ẹ i beghe, rhunmwuda, wẹ ọ re imẹ mu ẹtin mwẹ yan. Erhunmwu mwẹ hin odukhunmwu bu ruẹ dee, ma mwẹ odẹ ne I gha la.

Itan 22:6

Ma ọmọ vbene ọ gha yin hẹ, te ọ gha ye ẹre rre ọ te ya wu.

Itan 4:4

erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre ghẹ mianmian ẹẹn. Gha ru vbene I tama ruẹn, u gha diagbọnya.

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Giọgis 13:11

E Manoa keghi guakpao, ọ na lele amwẹ ọnrẹn. Ọ keghi bu okpia nii gha khian, ọ nọ rẹn wẹẹ, “Wẹ ọ re ọ gu ọvbokhan mwẹ guan ẹdẹ rriọ ra?” Rẹn wanniẹn wẹẹ, “Ẹn.”

Giọgis 13:13

Odibo e Nọyaẹnmwa nii keghi wanniẹn Manoa wẹẹ, “We ne ọvbokhan an ghẹ mwẹ ọ ma ru emwi hia ne I tama rẹn.