Giọgis 13:11 - Edo Bible (E Baibol Ẹdo) Version 1996

¹¹ E Manoa keghi guakpao, ọ na lele amwẹ ọnrẹn. Ọ keghi bu okpia nii gha khian, ọ nọ rẹn wẹẹ, “Wẹ ọ re ọ gu ọvbokhan mwẹ guan ẹdẹ rriọ ra?” Rẹn wanniẹn wẹẹ, “Ẹn.”

Giọgis 13:11 ပူးပေါင်းရင်းမြစ်များ

II Krọnikol 6:15

U mu eyan ne u yan ma e Devid ne erha mwẹ sẹ, ẹdẹnẹrẹ na nian, ẹmwẹ hia ne a tae vbọ, a mu ẹẹn sẹ nẹ.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

Giọgis 13:12

Ẹre Manoa na kha wẹẹ, “Ẹn hẹn ẹmwẹ ne u ta ẹe gha ghi sẹ, vbe ọ kei ne ọmọ nii gha ru emwi hẹ? De emwi ne ọ gha ru?”

Giọgis 13:13

Odibo e Nọyaẹnmwa nii keghi wanniẹn Manoa wẹẹ, “We ne ọvbokhan an ghẹ mwẹ ọ ma ru emwi hia ne I tama rẹn.

Giọgis 13:8

Ẹre Manoa na na erhunmwu ghe Nọyaẹnmwa wẹẹ, “Nọyaẹnmwa lahọ, gie ọmwa Osanobua ne u gie rre dọlegbe gha dee ne ọ do tama mwa vbene a gha ru ọmọ nii hẹ vbe a gha biẹ ọe.”